Na davoli raspaŭsiudžanuju zadumku kibierzłačyncaŭ trapiŭsia finansavy analityk adnoj z kampanij horada.
Mužčynu pazvanili ź nieznajomaha numara, pryčym, źviazvalisia ź im praź miesiendžar, paviedamlaje abłasnaja milicyja.
Nieviadomy pradstaviŭsia supracoŭnikam adnaho z bankaŭ i skazaŭ, što pastupiła zajaŭka na afarmleńnie kredytu na 1000 rubloŭ i ŭdakładniŭ, ci sapraŭdy mužčyna afarmlaŭ zajaŭku.
Budučaja achviara rastłumačyła, što nijakich zajavak nie padavała i naohuł źjaŭlajecca trymalnikam kartak inšaha banka.
Surazmoŭca adrazu ž zajaviŭ, što treba abaviazkova paviedamić jamu ŭsie rekvizity płaciežnych kart, kab zaścierahčysia ad mahčymych virtualnych ašukancaŭ, na što mužčyna adznačyŭ, što sam źviažacca sa svaim bankam i rastłumačyć situacyju.
Jon užo źbiraŭsia spynić razmovu, ale nieviadomy skazaŭ, što ciapier pieraklučyć jaho na supracoŭnika taho banka, dzie mužčyna absłuhoŭvajecca,
i ŭžo praź imhnieńnie z paciarpiełym razmaŭlała žančyna, jakaja pradstaviłasia techničnym śpiecyjalistam.
Dalej usio adbyvałasia pa raspaŭsiudžanaj schiemie.
Mužčyna nazvaŭ čatyry apošnija ličby ŭsich svaich kartak, identyfikacyjny numar. Paśla dziaŭčyna skazała, što jamu pryjduć kody paćvierdžańnia i ich taksama treba joj paviedamić.
Mužčyna tak i zrabiŭ. Mienavita ŭ hety momant złamyśniki atrymali ŭsie nieabchodnyja źviestki dla spustašeńnia rachunku.
U vyniku ŭsiaho za niekalki chvilin žychar abłasnoha centra straciŭ bolš za 12 tysiač rubloŭ.
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary52
Kamientary