Siońnia, 14 studzienia, na 98-m hodzie žyćcia pamior znakamity biełaruski mastak Leanid Ščamialoŭ. Pra heta paviedamiŭ Biełaruski sajuz mastakoŭ.
Leanid Ščamialoŭ naradziŭsia 5 lutaha 1923 hoda ŭ Viciebsku. Padčas vajny byŭ u evakuacyi, dzie jaho pryzvali ŭ Čyrvonuju Armiju. Byŭ udzielnikam bitvy na Kurskaj duzie (1943), vyzvaleńnia Ukrainy, u bajach za Mazyr byŭ ciažka paranieny.
Skončyŭ Minskaje mastackaje vučylišča, zatym Biełaruski teatralna-mastacki instytut. Vučyŭsia ŭ narodnaha mastaka Vitala Ćvirki.
Vykładaŭ u Minskim mastackim vučyliščy, Respublikanskaj škole-internacie imia Achremčyka, architekturnym fakultecie BPI.
Malavaŭ karciny, pryśviečanyja Vialikaj Ajčynnaj vajnie, histaryčnym asobam, dziejačam kultury i mastactva, malavaŭ krajavidy.
Viadomyja karciny: «Ciažkija hady», «Narodny trybunał», «Kastuś Kalinoŭski», «Repin u Zdraŭniovie», «Lesia Ukrainka», «Asieńni klič», «Viazynka», «Sosny», «Studzień u Minsku», «Zima».
«Zima» 1957 hoda. Fota ź Vikipiedyi
Tvory Leanida Ščamialova znachodziacca ŭ Nacyjanalnym mastackim muziei Respubliki Biełaruś, Muziei sučasnaha vyjaŭlenčaha mastactva, abłasnych krajaznaŭčych muziejach.
Ciapier čytajuć
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ10
Kamientary