Toje, što aficyjnyja krynicy nazyvajuć «udakładnieńniem asobnych pakazčykaŭ biudžetu», nasamreč — siekviestr, i, vidać, nie apošni sioleta. Piša ŭ svaim błohu na NN Alaksandr Kłaskoŭski.
Na aficyjnych sajtach — razhuł eŭfiemizmaŭ. Paviedamlajecca, što Łukašenka ukazam № 264 ad 28 traŭnia «udakładniŭ asobnyja pakazčyki» respublikanskaha biudžetu na 2009 hod.
Padšlifavaŭ, karaciej kažučy. Fihurujuć i ličby: dachody i raschody respublikanskaha biudžetu na 2009 hod zaćvierdžany ŭ sumie Br54,9 trłn. pry nulavym deficycie.
Zdajecca, usio cip-top. Adzinaje, što zabyvajucca paviedamić elektaratu (nu našto jamu niervavacca?), — jakimi byli ličby da «ŭdakładnieńnia». Pavodle ž zakona ab biudžecie, zaćvierdžanaha ŭvosień, raschody płanavalisia ŭ sumie Br57,7 trłn. To bok blizu troch tryljonaŭ jak karova jazykom źlizała.
Značna ž bolej istotnym jość voś što:
u raniejšy biudžet zakładaŭsia inšy rubiel — «dadevalvacyjny», pry kursie 2 125 da dołara. Zaraz, jak vy razumiejecie, naš rubiel značna palahčeŭ.
Inačaj kažučy, novy varyjant biudžetu budzie napaŭniacca (i nakolki paśpiachova — asobnaje pytańnie) puściejšymi hrašyma, to bok realnaje padzieńnie dachodaŭ — značna bolšaje, čym naminalnaje.
Ci možna tut kazać pra siekviestr? Pra heta ja zapytaŭsia ŭ ekanamista Jarasłava Ramančuka.
«Tak, havorka idzie pra typovy siekviestr, — skazaŭ ekśpiert. — Hety ŭkaz — pieršaje dakumientalnaje paćviardžeńnie taho, što kryzis u krainie ŭsio ž jość. Novyja ličby trochi bližejšyja da realnaści, ale heta tolki pačatak pracesu značna bolšaha skaračeńnia vydatkaŭ. Miarkujučy pa ŭsim, heta nie apošni sioleta siekviestr».
Inačaj kažučy, biudžetu pakul što puścili tolki pieršuju kroŭ. Jaho režuć i abiacajuć zrabić biezdeficytnym tamu, što inačaj MVF nie daść hrošaj. Ale ci ŭdasca realna źvieści pa nulach — vialikaje pytańnie. Najchutčej što vylezie deficyt.
Hałoŭnaja ž prablema — čym toj biudžet napaŭniać. Abvał ekspartu padrazaje ŭsie psieŭdaaptymistyčnyja raźliki pad korań.
I jašče: pavodle niezaležnych ekanamistaŭ, nas čakajuć nie tolki novyja, bolej radykalnyja siekviestry, ale i praciah devalvacyi.
Siońnia Łukašenka ładzić naradu ŭ pytańniach sacyjalna-ekanamičnaha raźvićcia. Niaŭžo znoŭ prahučyć, što kryzisu ŭ krainie niama?
Pačakajem śviežaj infy. Adzinaje, što možna pradkazać ź vialikaj dolaj imaviernaści, — Rasiju, jakaja tak prakinuła z kredytam, siońnia praskłaniajuć jak śled.
Ciapier čytajuć
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary