Druhija sutki kamunalniki «admyvajuć» miemaryjał Tarajkoŭskamu. Navošta heta moža rabicca?
Druhija sutki minčuki źviartajuć uvahu, jak šmat kamunalnikaŭ sahnali da stancyi mietro «Puškinskaja». Praca nie spyniajecca ni dniom, ni ŭnačy.
Ludzi ŭ śpiecadzieńni robiać vyhlad, što z dapamohaj niekalkich adzinak techniki admyvajuć daŭno zafarbavany nadpis «Nie zabudziem». Za jaho naniasieńnie ŭ Minsku ciapier sudziać piać čałaviek adrazu ŭ dvuch sudach: Julija Krepskaja sudzić Dzianisa Hrechanava, Ihara Samusienka i Uładzisłava Hulisa, a Julija Bliźniuk sudzić Maryju Babovič i Maksima Paŭluščyka.
Usim hetym abvinavačanym inkryminujuć č. 2 artykuła 339 (Chulihanstva), a taksama č. 2. artykuła 218 (Naŭmysnaje źniščeńnie abo paškodžańnie majomaści).
Ale voś što adbyvajecca ŭ sudach. Kali pieršapačatkova abvinavačańnie nazyvała pamier «škody» 10 182 rubli ŭ pieršym vypadku i kala 7500 rubloŭ u druhim, to paśla raźlikaŭ «Harremaŭtadora» u sudzie prahučali zusim inšyja sumy — 256 i 211 rubloŭ adpaviedna. Heta realny košt rabot za adnaŭleńnie plitki.
Ale takaja suma nie dazvalaje abvinavacić ludziej pa 218-m artykule KK (naŭmysnaje źniščeńnie abo paškodžańnie majomaści), bo hety artykuł prymianiajecca ŭ vypadkach, kali škoda pieravyšaje 40 bazavych vieličyń (1080 rubloŭ).
Kali adkinuć hety artykuł, u abvinavačańnia zastaniecca tolki «Chulihanstva».
Tamu adna ź viersij — što zacikaŭlenyja sprabujuć davieści pamier «škody» i «cany adnaŭleńnia» kali nie da pieršapačatkova zajaŭlenaha, to chacia b da tych samych 40 bazavych vieličyń. Dla taho i nahnali stolki techniki i ludziej na pustoje miesca.
Ci mahčyma dałučeńnie novych naličanych sumaŭ «škody» da spravy, jakaja ŭžo razhladajecca ŭ sudzie? Jurysty kažuć, što rašeńnie musić pryniać sudździa.
Advakaty Hulisa, Hrechanava i Samusienki ŭžo chadatajničali, kab padazravanych adpuścili ź izalatary dachaty, bo ŭ ich dziejańniach niama składu złačynstva pa 218-m artykule. Adnak prakuror Valeryja Taratynka, jak piša Tut.by, vystupiła suprać, bo jana «nie ličyć novy raźlik ad «Harremaŭtadara» (na 250 rubloŭ — «NN») biassprečnym dokazam».
«Naša Niva» sprabuje atrymać ad «Harremaŭtadara» adkaz na pytańnie, jakija pracy na Puškinskaj iduć druhi dzień zapar.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna1
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1111
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha11
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5454
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam54
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4747
Kamientary