Ad učorašniaha dnia na kanale NTV navinavyja prahramy pačali zamianiacca rasiejskimi seryjałami, a ŭ perspektyvie čakajecca karekcyja i inšych pieradačaŭ. I tolki ŭładalniki systemaŭ spadarožnikavaha dy kabelnaha telebačańnia mohuć sačyć za prahramnaj sietkaj NTV u raniejšym farmacie.
Ad učorašniaha dnia na kanale NTV navinavyja prahramy pačali zamianiacca rasiejskimi seryjałami, a ŭ perspektyvie čakajecca karekcyja i inšych pieradačaŭ. I tolki ŭładalniki systemaŭ spadarožnikavaha dy kabelnaha telebačańnia mohuć sačyć za prahramnaj sietkaj NTV u raniejšym farmacie.
Dahetul Biełteleradyjokampanija pierakryvała muzyčnymi prahramami na NTV vyklučna spartovyja spabornictvy – pieradusim, futbolnyja matčy Lihi čempijonaŭ, za prava pakazu jakich treba było płacić. Adnak 4 lipienia na hadzinu paźniej pasunuli vypusk papularnaj navinavaj prahramy «Siehodnia v 22.00». Jak ličać eksperty, takim čynam rasčyščanaja infarmacyjnaja prastora dla viečarovych navinaŭ Biełaruskaha telebačańnia, jakija hetaksama pačynalisia ŭ 21.00 pavodle mienskaha času i balšynia hledačoŭ, jakija prymajuć NTV, addavali pieravahu rasiejskamu telekanału. A siońnia ranicaj hledačy nia ŭbačyli i ranišniaha bloku navinaŭ.
U pryjomnym pakoi NTV spasyłajucca na pahadnieńni, padpisanyja kiraŭnictvam kanału i Biełteleradyjokampanijaj. Pra źmiest dakumentu nie paviedamlajecca, adnak adzin z režyseraŭ NTV Ihar Zimakoŭ, jaki pryjaždžaŭ u Miensk na zdymki prahramy «Svoboda słova», raskazvaje, što čutki pra novy farmat kanału dla Biełarusi chadzili jašče miesiac tamu.
(Zimakoŭ: ) «Heta ŭžo było anansavana. Heta dla nas nie navina, bo było viadoma niejki čas tamu, što mienavita tak adbudziecca. Padrabiaznaściaŭ nia viedaju, ale čuŭ, što heta nasamreč adbudziecca. Prynamsi, dzieści miesiac tamu pra heta ŭžo było viadoma».
Palitolah i žurnalist Viačasłaŭ Orhiš kaža, što plany na zamiaščeńnie prahramaŭ NTV biełaruskim praduktam vynošvalisia jašče letaś. Ale tolki z prychodam na pasadu kiraŭnika Nacyjanalnaj teleradyjokampanii Alaksandra Zimoŭskaha jany pačali realizoŭvacca z bolšaj aktyŭnaściu j chutkaściu.
(Orhiš: ) «Biezumoŭna, ułada imkniecca izalavać narod, elektarat ad infarmacyi, jakaja nie padkantrolnaja režymu. Infarmacyi, jakaja bolš-mienš adroźnivajecca ad toj, jakuju b chacieli danieści da vušej prostaha narodu tyja ž ułady. Usio heta śviedčyć pra što? Pra toje, što ŭłada robić zachady dziela taho, kab kančatkova izalavać krainu ad źniešniaha śvietu. Eŭropa ŭsio ž robić kroki ŭ kirunku infarmacyjnaha praryvu na biełaruskuju prastoru. Heta nie padabajecca, kaniečnie, kiraŭnictvu krainy, i jano robić takija kroki. Ciapier heta stavicca na praktyčnuju hlebu, a Zimoŭski rašeńnie kankretna pravodzić u žyćcio».
Siońnia presavaja słužba Nacyjanalnaj teleradyjokampanii raspaŭsiudziła tłumačeńnie adnosna sytuacyi z kanałam NTV. Jak paviedamlajecca, 1 lipienia nabyła moc damova pamiž NTV i Biełteleradyjokampanijaj. Ad hetaha momantu mienavita biełaruskamu boku naležać pravy na vykarystańnie ŭsich vypuskaŭ prahramaŭ, jakija vychodziać u efir, za vyklučeńniem licenzijnych i tych pieradačaŭ, jakija nie źjaŭlajucca ŭłasnym praduktam NTV. Udakładniajecca, što pastupova rasiejskija prahramy buduć zamiaščacca analahičnym u źmieście biełaruskim praduktam.
Razam z tym, presavaja słužba paviedamlaje: takija papularnyja prahramy, jak «K baŕjeru!», «Riealnaja politika», «Voskriesnyj viečier» z Uładzimieram Sałaŭjovym zamiaščacca nia buduć.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary