Pra heta Alaksandr Łukašenka zajaviŭ siońnia, prymajučy z dakładam kiraŭnika časovaj administracyi banka Nadzieju Jermakovu, piša BiełTA.
U pačatku sustrečy Łukašenka padziakavaŭ Nadziei Jermakovaj za toje, što jana pahadziłasia ŭznačalić časovuju administracyju i ŭ ciažki pieryjad zmahła stabilizavać situacyju ŭ Biełhazprambanku. «U historyju ŭvojdzie hety fakt», — zaŭvažyŭ Łukašenka.
«Chaču padkreślić, što bank my ni ŭ jakim razie nie budziem likvidavać, źniščać, niejak zapavolić jaho pracu. Naadvarot, my zrobim usio dla taho, kab bank funkcyjanavaŭ i prynosiŭ karyść našaj dziaržavie», — skazaŭ jon.
«U siaredzinie śniežnia minaje termin paŭnamoctvaŭ časovaj administracyi. I nam treba razam sfarmavać kiraŭnictva banka, pakolki dziaržava robić vielmi surjoznuju staŭku na hety bank. Z prezidentam Pucinym my abmiarkoŭvali hetuju temu. Jon dasłoŭna mnie zajaviŭ ab tym, što bank pavinien pracavać, navošta jaho źniščać. Tym bolš što haspadary hetaha banka vielmi bahatyja ludzi. Majecca na ŭvazie «Hazpram» i hetak dalej», — skazaŭ Łukašenka.
***
Nahadajem, što prablemy ŭ Biełhazprambanku pačalisia ŭ červieni. U mai były dyrektar Viktar Babaryka zajaviŭ, što źbirajecca ŭdzielničać u prezidenckaj kampanii. U červieni byli zatrymanyja niekalki byłych i tahačasnych top-mieniedžaraŭ banka, a taksama pradstaŭniki kamiercyjnych struktur, jakija ciesna supracoŭničali z bankam. Ich abvinavačvajuć u admyvańni hrošaj, uchileńni ad vypłaty padatkaŭ, machlarstvie, dačy i atrymańni chabaraŭ. Byŭ zatrymany i Viktar Babaryka.
15 červienia Nacbank uvioŭ časovuju administracyju pa kiravańni Biełhazprambankam. Jaje kiraŭnikom stała Nadzieja Jermakova, jakaja da 2014 hoda kiravała Biełarusbankam i Nacbankam.
Ciapier čytajuć
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!43
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał99
Kamientary