Prezident ZŠA Donald Tramp u paniadziełak rekamiendavaŭ kiraŭniku ŭpraŭleńnia pa ahulnych pytańniach administracyi ZŠA Emili Merfi, a taksama členam svajoj administracyi «rabić toje, što nieabchodna» adnosna pieršapačatkovych pracedur, źviazanych ź pieradačaj paŭnamoctvaŭ nastupnaj administracyi. Takim čynam respublikaniec, pa sutnaści, rasparadziŭsia pačać praces pieradačy ŭłady demakratu Džozefu Bajdenu, piša TASS.
«Naša sprava rašučym čynam praciahvajecca, my praciahniem <…> baraćbu, i ja vieru, što my pieramožam. Tym nie mienš u intaresach našaj krainy ja rekamienduju Emili i jaje kamandzie rabić toje, što nieabchodna adnosna pieršapačatkovych pratakołaŭ. I ja skazaŭ svajoj kamandzie rabić toje ž samaje», — napisaŭ Tramp u Twitter.
Raniej telekampanija CNN paviedamiła, što ŭpraŭleńnie pa ahulnych pytańniach administracyi infarmavała Bajdena ab hatoŭnaści pačać praceduru pieradačy jamu prezidenckaj ułady ŭ krainie. Merfi raniej admaŭlałasia padpisać nieabchodnyja dakumienty, adznačajučy, što Tramp svaju parazu nie pryznaŭ, a kančatkovych aficyjnych źviestak, jakija b adnaznačna śviedčyli pra pieramohu Bajdena, jašče niama.
Da 23 listapada ŭłady Štataŭ abaviazany padličyć biuleteni, dasłanyja pa pošcie, u tym liku amierykancami, jakija znachodzilisia za miežami krainy. Da 12 śniežnia pavinny być zaćvierdžanyja vyniki hałasavańnia pa kožnym štacie. 14 śniežnia pavinny prahałasavać členy kalehii vybarščykaŭ. 6 studzienia 2021 hoda na sumiesnym pasiadžeńni abiedźviuch pałat Kanhresa pavinny być zaćvierdžanyja vyniki hałasavańnia Kalehii vybarščykaŭ, a 20 studzienia projdzie cyrymonija inaŭhuracyi abranaha prezidenta.
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ15
Kamientary