Śviatłana Cichanoŭskaja ździejśniła rabočy vizit u Łatviju, dzie praviała sustrečy z prezidentam, premjeram, ministram zamiežnych spraŭ i łatvijskimi NDA. Śviatłana taksama ŭskłała kvietki la pomnika Svabody ŭ Ryzie i zapaliła śviečki razam ź biełaruskaj dyjasparaj u pamiać pra Ramana Bandarenku.
Čakajecca, što ŭ najbližejšy čas Łatvija i bałtyjskija krainy ŭviaduć pašyrany śpis indyvidualnych sankcyj, jaki moža ŭklučać sotni imionaŭ ludziej, vinavatych u falsifikacyjach i represijach.
Śviatłana Cichanoŭskaja zaklikała Nacyjanalny bank Łatvii spynić supracoŭnictva ź dziaržbankami Biełaruśbank i Biełahraprambank, a taksama ŭvieści ekanamičnyja sankcyi suprać dziaržaŭnych pradpryjemstvaŭ, jakija zvalniajuć rabotnikaŭ, jakija ŭdzielničajuć u strajkach.
U pryvatnaści, Cichanoŭskaja zaklikała pierahledzieć kantrakty ab zakupkach naftapraduktaŭ i mietałapradukcyi, lasnoj i drevaapracoŭčaj pramysłovaści i ałkaholu ź Biełarusi. Taksama Śviatłana padtrymała ideju nakłaści ekanamičnyja sankcyi na biznesy, źviazanyja z Łukašenkam i nabližanymi da jaho ludźmi.
Śviatłana Cichanoŭskaja źviarnułasia da ministra Rynkievičsa z prośbaj padtrymać mižnarodnaje rasśledavańnie ŭ ramkach univiersalnaj jurysdykcyi i abviaścić arhanizacyi HUBAZiK i AMAP ekstremisckimi.
Prezident Łatvii Levits zajaviŭ, što ličyć Śviatłanu Cichanoŭskuju pryznanym pradstaŭnikom naroda Biełarusi, i padtrymaŭ ideju pašyreńnia sankcyjnaha śpisu na ŭzroŭni ES.
Śviatłana Cichanoŭskaja ŭ svaju čarhu padziakavała Łatviju za dapamohu paranienym, adkryćcio humanitarnaha kalidora, spraščeńnie vizavych pracedur dla represavanych, a taksama materyjalnuju dapamohu dla biełaruskich žurnalistaŭ i represavanych aktyvistaŭ. Cichanoŭskaja taksama paprasiła ab padtrymcy małoha biznesu, jaki paciarpieŭ praz reakcyju režymu na strajki.
Śviatłana Cichanoŭskaja taksama abmierkavała z kiraŭnictvam Łatvii mahčymaść admieny abo pieranosu čempijanatu śvietu pa chakiei ź Minska (płanavałasia, što čempijanat projdzie ŭ Minsku i Ryzie). Čakajecca, što rašeńnie ab pieranosie abo admienie budzie pryniata ŭ bližejšy čas.
-
17‑hadovy chłopiec žyvie ŭ padvale. Jon zaharnuŭsia ŭ čyrvona-zialony ściah, kab Łukašenka źviarnuŭ na jaho ŭvahu
-
U adnoj ź viosak pad Minskam źjaviŭsia muziej darožnych znakaŭ. Ich tut niekalki, jość navat «piešachodny pierachod»
-
Litoŭskija pamiežniki zatrymali na miažy ź Biełaruśsiu 30 nielehałaŭ, jakija vyłazili z padkopu na miažy
Ciapier čytajuć
17‑hadovy chłopiec žyvie ŭ padvale. Jon zaharnuŭsia ŭ čyrvona-zialony ściah, kab Łukašenka źviarnuŭ na jaho ŭvahu5
Kamientary