«Što ŭ mianie zabirajuć pałovu piensii, jon nie skazaŭ». Nina Bahinskaja adkazała na słovy Łukašenki pra jaje
Fota Nadziei Bužan
Aktyvistka Nina Bahinskaja adkazała na ŭčorašnija słovy Alaksandra Łukašenki, byccam jana «pracavała ŭ achovie Zianona Paźniaka», piša Radyjo Svaboda.
«U Paźniaka nikoli nie było achovy, byli siabry, jakija ź im sustrakalisia, časam išli pobač. Ja była siabram tahačasnaj partyi BNF, ale kali ŭ joj adbyŭsia raskoł, dyk adrazu papiaredziła adnadumcaŭ, što nia budu prychilnicaj tolki pazycyi Paźniaka, a budu padtrymlivać usich, chto zmahajecca za demakratyju, movu i našy symbali. Voś heta i rablu jak mahu», — skazała Nina Bahinskaja.
«Jon [Łukašenka] nibyta mianie pachvaliŭ za addanaść pohladam. Ale nie skazaŭ, što ŭ mianie pałovu pensii ŭžo katory hod zabirajuć (dla apłaty šmatlikich štrafaŭ). Chiba heta nie represii? Užo katory hod ja nie płaču za transpart, ale ciapier prostyja pasažyry paznajuć, vitajuć, vykazvajuć padtrymku, dyk i kantraloram soramna mianie čapać».
Jana nazvała «dvuduššam» rasparadžeńnie Łukašenki «nie zabirać Bahinskuju z płoščaŭ».
«Jon dobra viedaje moj uzrost, što za 70 hadoŭ, i toje, što ŭ mianie chraničnaja chvaroba, u mianie byvajuć prystupy, voś niadaŭna pierad maršam vyklikali chutkuju. Dyk heta milicyjanty hrošy bierahuć, kali nie čapajuć mianie na płoščach, bo potym ad prablem nie aciarebiśsia, tolki i ŭsiaho».
Pavodle Niny Bahinskaj, symbalem pratestaŭ jaje zrabili žurnalisty i sami pratestoŭcy, najpierš moładź, a Łukašenka, jak miarkuje aktyvistka, zajzdrościć ludziam, jakija majuć sapraŭdnuju, a nie falšyvuju papularnaść.
«Chaj nia chvalić Bahinskuju, heta narod suprać jaho padniaŭsia. Naša cudoŭnaja moładź pačała adnaŭlać našy nacyjanalnyja symbali, ściah i Pahoniu, narabiła ściahoŭ va ŭsich rajonach, narabiła suveniraŭ, paŭsiul vyviešvaje bieł-čyrvona-biełyja ściahi. Heta značyć, što vierniecca i biełaruskaja mova, bieź jakoj nia budzie niezaležnaści i ŭłady narodu. Tamu — Žyvie Biełaruś!», — skazała Nina Bahinskaja ŭ kamentary dla Radyjo Svaboda.
-
«Zarobak u try razy vyšejšy, čym doma». Biełarus raskazaŭ, jak papracavaŭ u Jehipcie na budaŭnictvie AES
-
«Dzied budzie hladzieć asabista. Kali jamu spadabajecca…» Ziankovič raskazaŭ, jak ź im zapisvali pieršaje intervju ŭ SIZA KDB
-
U minskim «Jeŭraopcie» ŭ adździele vypiečki pakłali pakiety dla śmiećcia
Ciapier čytajuć
«Dzied budzie hladzieć asabista. Kali jamu spadabajecca…» Ziankovič raskazaŭ, jak ź im zapisvali pieršaje intervju ŭ SIZA KDB6
Kamientary