Akumulatarny zavod płanujuć zapuścić u ekspłuatacyju ŭ kancy studzienia nastupnaha hoda — kali nie budzie nijakich pieraškod. Pra heta paviedamiŭ dyrektar «akumulatarnaha Aljansu» Dźmitryj Butaŭ 6 kastryčnika padčas sustrečy z hramadskaściu, piša Tut.by.
Ciapier na pradpryjemstvie prachodziać puskanaładačnyja raboty. Jany adnavilisia paśla admieny 25 vieraśnia rasparadžeńnia staršyni abłvykankama ab prypynieńni budaŭnictva abjekta.
— Na praciahu dvuch-troch tydniaŭ my budziem naładžvać abstalavańnie i dalej piarojdziem da nastupnaha etapu: budziem zaprašać pradstaŭnikoŭ centra analityčnaha kantrolu dla vykanańnia vymiareńniaŭ, — raspavioŭ Dźmitryj Butaŭ.
Potym — praces pryjomki i ŭvodu ŭ ekspłuatacyju:
— Płanujecca, što pryjomačnaja kamisija budzie pracavać z kanca śniežnia da kanca studzienia. Tamu papiarednie ŭ nas u płanach na kaniec studzienia — uvod pradpryjemstva ŭ ekspłuatacyju, ale paśla paćviardžeńnia ŭsich krynic.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary