Minfin Rasii: Biełaruś vykarystała $4,5 młrd rasijskaha kredytu na budaŭnictva AES
Minfin RF padrychtavaŭ da ratyfikacyi papraŭki ŭ pahadnieńnie ab rasijskim kredycie na budaŭnictva BiełAES i vynies ich na hramadskaje abmierkavańnie, piša Interfaks.
«Pa stanie na 1 vieraśnia 2020 hoda vykarystana srodkaŭ kredytu na sumu $4,5 młrd. Praterminavanyja abaviazacielstvy biełaruskaha boku pa pahadnieńni adsutničajuć. Pavodle dziaržkarparacyi «Rasatam», prahnozny košt prajekta pa budaŭnictvie BiełAES, fundavany za košt srodkaŭ kredytu, nie pieravysić $6 młrd», — havorycca ŭ apublikavanym abhruntavańni prajekta pastanovy ŭrada RF.
Pastanova budzie pryniataja dla ŭniasieńnia na ratyfikacyju ŭ Dziarždumu pratakoła ab uniasieńni źmianieńniaŭ u mižuradavaje pahadnieńnie pamiž Biełaruśsiu i RF ad 25 listapada 2011 hoda ab dziaržkredycie na $10 młrd dla budaŭnictva BiełAES.
U dakumiencie adznačajecca, što damoŭlenaści ab restrukturyzacyi kredytu na budaŭnictva BiełAES byli dasiahnutyja na ŭzroŭni kiraŭnikoŭ uradaŭ dźviuch krain u červieni 2020 hoda.
Taksama paviedamlajecca, što ŭ adpaviednaści z padpisanym pratakołam pieryjad vykarystańnia kredytu padoŭžany na 2 hady — z kanca 2020 hoda da kanca 2022 hoda. Praduhledžany pieranos daty pačatku pahašeńnia asnoŭnaha doŭhu pa kredycie z 1 krasavika 2021 hoda na 1 krasavika 2023 hoda.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary