Za minułyja vychadnyja, 2 i 3 maja, u Biełarusi ŭ DTZ zahinuli 11 čałaviek, paviedamili va UDAI MUS.
Siarod pryčyn avaryj sa śmiarotnym zychodam — try najezdy na piešachodaŭ, dva źjezdy ŭ kiuviet ź pierakulvańniem, dva źjezdy ŭ kiuviet z najezdam na drevy, łabavoje sutyknieńnie, najezd na viełasipiedysta.
2 maja ŭ Dziaržynskim rajonie Minskaj vobłaści 32‑hadovy vadziciel «Forda» nie spraviŭsia z kiravańniem, vyjechaŭ na pałasu sustrečnaha ruchu i sutyknuŭsia z aŭtamabilem «Mazda». U vyniku žančyna — pasažyrka «Mazdy» zahinuła na miescy zdareńnia, vadzicieli aŭtamabilaŭ i jašče dva pasažyry z traŭmami špitalizavany.
3 maja ŭ Biarozaŭskim rajonie Bresckaj vobłaści 49‑hadovy vadziciel «Folksvahiena» nie spraviŭsia z kiravańniem, vyjechaŭ za miežy prajeznaj častki, udaryŭsia ab dreva i źjechaŭ u mielijaratyŭny kanał. Vadziciel z traŭmami źmieščany ŭ balnicu, 39‑hadovy pasažyr zahinuŭ.
Usiaho za vychadnyja adbyłosia 47 DTZ z paciarpiełymi, u jakich atrymali ranieńni 49 čałaviek.
Ciapier čytajuć
«Liču, što heta maja misija». Biełaruskamoŭny Pavieł z DCP vyklikaŭ chvalu zachapleńnia, zajzdraści i lubovi1
Kamientary