Za «drennuju ideałahičnuju pracu» zvolnieny dyrektar RCAP pa frystajle
Jak stała viadoma SPORT.TUT.BY, zvolnieny dyrektar RCAP pa frystajle Vadzim Kryvašejeŭ. Raniej svaju niezadavolenaść dziejańniami ŭładaŭ vykazvali viadomyja frystajlisty Alaksandra Ramanoŭskaja i Dźmitryj Daščynski, a taksama trenier zbornaj Mikałaj Kazieka.
Hetuju infarmacyju paćvierdziŭ sam Vadzim. Jon raspavioŭ, što jaho zvolnili pa 259-m artykule za «drennuju ideałahičnuju pracu ŭ kalektyvie».
Pavodle jaho słoŭ, zaŭvahi ŭ jaho adras pryniatyja paśla pieršych vykazvańniaŭ spartsmienaŭ jašče da vybaraŭ. Havorka, u pryvatnaści, pra słovy Ramanoŭskaj ab tym, što jana «naziraje vybary, jakija jazyk nie pavaročvajecca nazvać sumlennymi», u siaredzinie červienia.
Adnak asnoŭnaj pryčynaj stała intervju z Kaziekaj paśla padziej 9-11 žniŭnia, kali jon žorstka vykazaŭsia pra brutalnyja zatrymańni ludziej.
Jak paviedamiŭ Kryvašejeŭ, paśla hetaha byli sustrečy namieśnika ministra sportu z kiraŭnictvam RCAP i nacyjanalnaj kamandaj. Adnak u frystajlistaŭ była svaja ćviordaja pazicyja pa tym, što adbyvałasia paśla vybaraŭ. «Sprava ŭ tym, što ŭ 5-6 čałaviek u kamandzie ad dziejańniaŭ siłavikoŭ tak ci inakš paciarpieli svajaki ci znajomyja», — raspavioŭ Vadzim.
Zatym jaho zaprasili na sustreču ź ministram sportu, dzie paviedamili pra drennuju ideałahičnuju pracu i prapanavali pierajści na anałahičnuju pasadu ŭ inšy RCAP — vodna-łyžnaha sportu, adnak Vadzim admoviŭsia.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?4
Kamientary