Śviatar Alaksandr Šramko, adchileny ad słužby za krytyku patryjarcha Kiryła, vykazaŭ svajo mierkavańnie adnosna pryznačeńnia novym kiraŭnikom BPC jepiskapa Vienijamina (śvieckaje imia — Vital Tupieka).
«Na moj pohlad, heta nie samaja lepšaja navina. Kali pahladzieć na siońniašniuju Biełaruskuju pravasłaŭnuju carkvu, to možna ŭbačyć dva simvaličnyja kryły. Z adnaho boku jepiskap Hrodzienski Arciemij, jaki padtrymaŭ akcyi pratestu, šmat inšych, maładziejšych śviataroŭ, a ź inšaha boku — praŭładnyja jepiskapy. Mitrapalit Pavieł boŭtaŭsia niedzie pasiaredzinie miž imi.
Dyk voś pryznačeńnie Vienijamina — heta vidavočnaja pieramoha praŭładnaha kryła, pieramoha Łukašenki, ja b navat skazaŭ.
Ja ničoha nie čuŭ, kab mitrapalit Pavieł prasiŭsia ŭ adstaŭku. Chutčej za ŭsio, što jaho paprasili heta zrabić zadnim čysłom.
Apošnim časam jahonyja dziejańni razdražniali ŭłady: i naviedvańnie paranienych padčas mirnych akcyj pratestu, prabačeńni za vinšavańnie Łukašenku, jon nijak nie karaŭ śviataroŭ, jakija brali ŭdzieł u akcyjach pratestu, taho ž ajca Alaksandra Kuchtu («Baciuška adkaža»).
Što tyčycca ŭładyki Vienijamina, to heta vielmi kansiervatyŭny čałaviek, vielmi malitoŭny. Mnie zdajecca, što taki čałaviek budzie chutčej vykonvać čyjeści zahady, čym toj ža mitrapalit Pavieł, jaki nie zaŭsiody słuchaŭsia taho, što jamu skazali», — ličyć ajciec Šramko.
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny26
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary