22 krasavika Viarchoŭny sud Respubliki Biełaruś pakinuŭ biez zadavalnieńnia skarhu zasnavalnikaŭ HPA «Naša Viasna» na rašeńnie Ministerstva justycyi ab admovie ŭ rehistracyi.
22 krasavika Viarchoŭny sud Respubliki Biełaruś pakinuŭ biez zadavalnieńnia skarhu zasnavalnikaŭ HPA «Naša Viasna» na rašeńnie Ministerstva justycyi ab admovie ŭ rehistracyi.
Sudździa Viarchoŭnaha Sudu Ihar Milto pryjšoŭ da vysnovy, što Ministerstva justycyi słušna admoviła ŭ rehistracyi pravaabarončamu abjadnańniu, pakolki mieli miesca niedakładnaści ŭ śpisach zasnavalnikaŭ, a ŭ pratakole ustanoŭčaha schodu nie byŭ zafiksavany miechanizm abrańnia staršyni i sakratara schodu. Aproč taho, ŭ płaciežnym dakumiencie ab apłacie dziaržaŭnaj pošliny adsutničała nazva arhanizacyi. Usie astatnija padstavy, jakija vyłučyŭ raniej Minjust, arhumientujučy svajo rašeńnie, Viarchoŭny Sud da ŭvahi nie pryniaŭ i paličyŭ ich jurydyčna niepravamocnymi.
Arhumient jurystaŭ «Našaj Viasny» pra toje, što niedachopy mahli być vypraŭlenyja ŭ chodzie rehistracyi, sud adprečyŭ, bo pryznaŭ, što davać adterminoŭku rehistracyi — heta tolki prava, a nie abaviazak Minjusta.
Viarchoŭny sud taksama adprečyŭ arhumienty pradstaŭnika Minjusta, jaki śćviardžaŭ, što ŭstanoŭčy schod «Našaj Viasny» nie moh adbycca, bo pamiaškańnie štab‑kvatery AHP dla jaho «zaciesnaje». Bolš padrabiazny kamientaryj pravaabaroncaŭ źjavicca na sajcie paźniej.
Ciapier čytajuć
Adstaŭny ministr-karupcyjanier pradaje reśpiektabielny katedž kala Drazdoŭ. Prosić $2 miljony6
Kamientary