U liku naziralnikaŭ, zatrymanych na ŭčastkach, — supracoŭnik «Našaj Nivy» Alaksandr Paškievič
U liku naziralnikaŭ, zatrymanych na ŭčastkach, — kandydat histaryčnych navuk, supracoŭnik «Našaj Nivy», najintelihientniejšy čałaviek Alaksandr Paškievič.
Jon jak žurnalist prysutničaŭ na ŭčastku dla hałasavańnia №103 u škole № 99 Minska na vulicy Bieruta, 13.
Apošniaje paviedamleńnie ad Alesia Paškieviča pryjšło ŭ niadzielu a 20.17: «Jaŭna chočuć prybrać». Bolš na suviaź jon nie vychodziŭ, na telefanavańni nie adkazvaŭ.
Rodnyja i my nie mahli jaho znajści da viečara paniadziełka, kali nam dali adkaz, što jon znachodzicca ŭ CIPie. Zaŭtra jaho majuć sudzić za «chulihanstva», paviedamili nam u MUS. Nibyta jon «čaplaŭsia da ludziej».
Kožnamu, chto viedaje Alesia, vydatnaha biełaruskaha historyka sučasnaści, jasna, što heta nachabnaja mana.
Tolki adnamu z karespandentaŭ NN dazvolili prysutničać na padliku hałasoŭ, usie astatnija byli vydalenyja z učastkaŭ. Što charakterna, na tych samych učastkach byli nie dapuščanyja da nazirańnia za padlikam hałasoŭ i niezaležnyja naziralniki.
Na adzinym učastku, dzie karespandent Našaj Nivy prysutničaŭ na padliku, a kamisija dziejničała prazrysta — heta ŭčastak numar 26 u Kopiščy pad Minskam — Cichanoŭskaja nabrała 2341, Łukašenka — 132 hałasy.
Ciapier čytajuć
Hetaja biełaruskaja instazorka dajšła da Playboy — ale, u adroźnieńnie ad mnohich, nie spyniłasia3
Kamientary