Łukašenka paćvierdziŭ, što milicyja stralała pa demanstrantach humavymi kulami
Łukašenka śćviardžaje, što humavyja kuli suprać demanstrantaŭ u Minsku vykarystali tolki adzin raz. Pra heta paviedamlaje BIEŁTA. Žurnalisty roznych ŚMI nie paćviardžajuć hetyja słovy.
Pavodle słoŭ Łukašenki, kuli vykarystała adzin raz, kali pratestoŭcy sprabavali šturmavać minskaje RUUS i napali na milicyjanta.
«Aźviarełyja ludzi! Tamu noč situacyja była nahružanaja, ale milicyja — małajcy, spravilisia. Armiju i Słužbu biaśpieki my pryjšli, tolki kab evakujavać vybarčyja kamisii» — skazaŭ Łukašenka.
Miž tym žurnalisty nie zafiksavali faktaŭ šturmu RUUS u Minsku. Žurnalisty zafiksavali šmatrazovaje vykarystańnie śviatłošumavych hranat i humovych kul u roznych kropkach horada suprać mirnych demanstrantaŭ, jakija patrabavali sumlennaha padliku hałasoŭ u prysutnaści naziralnikaŭ. Heta adbyłosia ŭ rajonach praśpiekta Mašerava i Zasłaŭskaj, praśpiekta Mašerava i Daŭmana, Kalvaryjskaj nasuprać Kaskada, Haradskoha Vała, Kalvaryjskaj kala hipiermarkieta Karona. Videa hetych epizodaŭ dastupnyja ŭ internecie i na zamiežnych telekanałach.
Ciapier čytajuć
Na Kupianskim kirunku zahinuŭ biełaruski dobraachvotnik Alaksiej «Ryžy» Aŭdziej4
Na Kupianskim kirunku zahinuŭ biełaruski dobraachvotnik Alaksiej «Ryžy» Aŭdziej
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary