«Ja adzinaja, chto zdolny davieści dziejnaha kiraŭnika krainy ŭ druhi tur». Kanapackaja prahałasavała na vybarach
Kandydatka ŭ prezydenty Hanna Kanapackaja 9 žniŭnia pryjšła na vybarčy ŭčastak № 43 u minskaj himnazii № 36 hałasavać razam z synam. U śpisach ubačyła svaju dačku, ale jana nia musiła ŭ ich być, bo ŭ jaje admacavańnie — jana ciapier za miažoj, paviedamlaje Radyjo Svaboda.
Hanna Kanapackaja nazvała siabie adzinym apazycyjnym praeŭrapiejskim palitykam u sioletniaj kampanii i ličyć, što jana «adzinaja, chto zdolny davieści dziejnaha kiraŭnika ŭłady ŭ druhi tur».
Kandydatka zajaviła, što ŭłada svaimi dziejańniami i zatrymańniami mirnych hramadzian na vulicach pakazvaje, što niama roŭnych umovaŭ ahitacyjnaj i vybarčaj kampanii.
«Vidać, što ŭłada nastrojena, kab uvieś svoj represiŭny, administracyjny aparat nakiravać na zadušeńnie pratestaŭ. Ja sama suprać taho, kab revalucyjna mianiałasia sytuacyja ŭ krainie. Ja za mirny demakratyčny evalucyjny šlach źmieny ŭłady. Ale heta nie aznačaje, što va ŭłady jość prava prymianiać siłu suprać mirnych hramadzian», — skazała Kanapackaja.
Na dumku kandydatki, siońnia ŭłada nie baicca vuličnych pratestaŭ, jana da ich hatovaja i ŭvieś jaje administracyjny aparat nastrojeny na toje, kab dušyć pratest.
«Samaje hałoŭnaje, čaho siońnia baicca dziejnaja ŭłada — heta ekanamičnyja reformy, bo jakraz ekanamičnyja reformy dazvolać uzraścić sapraŭdnuju hramadzianskuju supolnaść, samaśviadomaść biełarusaŭ, jakim patrebien budzie i niezaležny sud, i svaboda słova, presy i vieravyznańnia.
Tamu maja asnoŭnaja meta — heta eŭrapiejski, demakratyčny šlach raźvićcia Biełarusi. Dla nas usich adzinaj kaštoŭnaściu pavinny być niezaležnaść i suverenitet krainy», — skazała Kanapackaja, adkazvajučy na pytańni žurnalistaŭ.
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1212
Kamientary