Što robicca na Banhałory, dzie zamiest Cichanoŭskaj adznačajuć Dzień čyhunačnych vojskaŭ FOTY
Siońnia ŭ parku Družby narodaŭ (u narodzie — Banhałor) mieŭsia prajści mitynh-kancert u padtrymku Śviatłany Cichanoŭskaj. Ale ŭłady ŭ pačatku tydnia anansavali tam śviatkavańnie Dnia čyhunačnych vojskaŭ. Tam musić prajści demanstracyja techniki, a taksama vystupiać Alaksandr Saładucha i Žaniet.
U vyniku Abjadnany štab admoviŭsia ad praviadzieńnia mitynhu-kancerta, zajaviŭšy, što Śviatłana Cichanoŭskaja naviedaje śviata ŭ Kijeŭskim skviery.
Pa stanie na 17:00 u parku Družby narodaŭ sabrałasia kala 1000 čałaviek. Pažyły mužčyna narakaje, što pryjšoŭ na Cichanoŭskuju, a mitynh admianili.
U Kijeŭskim skviery — dziasiatki milicyjanieraŭ i amapaŭcaŭ. Uvieś pierymietr abniesieny stužkaj, zapuskajuć tolki paśla ahladu. Na placoŭcy 50 ŭdzielnikaŭ słuchajuć dziciačuju muzyku
Kiraŭnik minskaha AMAPa Dźmitryj Bałaba taksama tut. I deputat Kliševič.
Na Banhałor šmat chto paprychodziŭ realna na śviata čyhunačnych vojskaŭ. Jaduć sałdackuju kašu, hurtujucca pad drevami. A niekalki kabiet na abcasach z načosami chodziać pa parku i kamuści pastajanna telefanujuć.
50-hadovy pradprymalnik pryjšoŭ u park pasłuchać Cichanoŭskuju. «A dzie hety śvietły čysty anioł?» — nie razumieje mužčyna.
Na mierapryjemstvie zaŭvažnaja palityčnaja simvolika — ściahi kamunistaŭ.
Kamientary