Facebook upieršyniu vydaliŭ dopis Trampa pra karanavirus. Jon kazaŭ, što dzieci mienš usprymalnyja da jaho
Kiraŭnictva sacyjalnaj sietki Facebook vydaliła publikacyju prezidenta ZŠA Donalda Trampa jak škodnasnuju infarmacyju ab novym karanavirusie. Adpaviednuju zajavu pradstaŭnika kampanii Facebook Endzi Stoŭna pryvodzić u sieradu ŭviečary telekampanija CNN.
Havorka idzie pra videazapis, jaki źmiaščaje ŭryvak ź intervju Trampa telekanału Fox News, jakuju jon apublikavaŭ na svajoj staroncy. U hetym frahmiencie prezident ZŠA nastojvaje na tym, što dzieci školnaha ŭzrostu vałodajuć praktyčna absalutnym imunitetam da vyklikanaha infiekcyjaj zachvorvańnia.
«Heta videa źmiaščaje śćviardžeńni ab tym, što hrupa ludziej nie schilnaja da COVID-19, — havorycca ŭ zajavie pradstaŭnika Facebook. — Heta źjaŭlajecca parušeńniem našaj palityki ŭ dačynieńni da škodnasnaj infarmacyi, jakaja tyčycca karanavirusa». Praź niekatory čas kiraŭnictva inšaj sacyjalnaj sietki — Twitter — taksama vydaliła anałahičnuju publikacyju amierykanskaha lidara.
U pačatku sakavika kiraŭnik Facebook Mark Cukierbierh zajaviŭ, što sacyjalnaja sietka vydalaje łžyvuju infarmacyju ab raspaŭsiudzie karanavirusa i «teoryi zmovaŭ», a taksama błakuje rekłamnyja abjavy kampanij, jakija sprabujuć vykarystoŭvać situacyju va ŭłasnych metach.
Kamientary