Ułady papiaredzili Cichanoŭskuju ab niemahčymaści praviadzieńnia mitynhu na Banhałor. Štab zajaŭlaje, što aficyjnaha paviedamleńnia nie atrymlivaŭ
Minharvykankam dasłaŭ kandydatu ŭ prezidenty Śviatłanie Cichanoŭskaj aficyjnaje apaviaščeńnie ab tym, što pravieści 6 žniŭnia ŭ parku Družby narodaŭ mierapryjemstva niemahčyma: placoŭka budzie zaniataja, paviedamlaje telehram-kanał Harbacevic. Štab zajaŭlaje, što aficyjnaha paviedamleńnia nie atrymlivaŭ
6 žniŭnia ŭ parku, zhodna z płanam haradskich kulturnych mierapryjemstvaŭ, projdzie śviatkavańnie Dnia čyhunačnych vojskaŭ.
— U suviazi z hetym praviadzieńnie vami albo vašymi davieranymi asobami, inšymi hramadzianami jakich-niebudź masavych mierapryjemstvaŭ 06.08.2020 u Parku Družby narodaŭ u Minsku niemahčyma, — havorycca ŭ dakumiencie.
U toj samy čas u štabie Cichanoŭskaj NN zajavili:
«Apaviaščeńnia my nie atrymlivali. Ni kandydat, ni davieranyja asoby. Za apieratyŭnaj infarmacyjaj sačycie na telehram-kanale «Kraina dla žyćcia», — kamientuje štab.
Ciapier čytajuć
Pad ciskam muža Śviatłana Cichanoŭskaja admianiła intervju CNN i praciahnuła razmovu ź biełarusami ŭ Ńju-Jorku23
Kamientary