U Vilni prajšoŭ «Bałtyjski šlach» u znak salidarnaści ź Biełaruśsiu FOTA
Uviečary 27 lipienia, u tryccatyja ŭhodki abviaščeńnia suverenitetu Biełarusi ad SSSR, u Vilni adbyłasia akcyja «Bałtyjski šlach» u padtrymku biełarusaŭ, jakija imknucca da demakratyčnych pieramienaŭ, piša «Radyjo Svaboda».
Na akcyi vystupili niekatoryja litoŭskija palityki: eŭradeputat ad Litvy i specdakładčyk Eŭraparlamenta pa Biełarusi Piatras Aŭštravičus, eks-premjer Litvy Andrus Kubilus, deputat Sejmu Litvy Emanuelis Zinhierys.
Udzielniki akcyi stajali ŭ žyvym łancuhu, skandujučy «Žyvie Biełaruś!». Łancuh raściahnuŭsia ad Płoščy Niezaležnaści da Łukiskaha placu.
U 1989 hodzie žyvy łancuh abjadnaŭ Vilniu, Ryhu i Talin staŭ symbalem adzinstva i siłaŭ litoŭcaŭ, łatyšoŭ i estoncaŭ u baraćbie za niezaležnaść.
«Svajoj imprezaj my chacieli b symbalična praciahnuć ruku ad Vilni, Ryhi i Talinu da Miensku i takim čynam pavinšavać kožnaha biełarusa, jakomu važnyja niezaležnaść i svaboda», — padkreśliŭ litoŭski palitolah Vicis Jurkonis pierad akcyjaj.
Tak žychary krain Bałtyi chočuć prademanstravać, što jany — za Biełaruś, dzie niama palitviaźniaŭ, dzie nie represujuć mirnych hramadzian, nie aryštoŭvajuć i nie štrafujuć niezaležnych žurnalistaŭ. Dzie ludzi volnyja, padsumavaŭ Jurkonis.
Ciapier čytajuć
Kryk dušy Žyhara pra hrupu Kavaleŭskaha: Hučać zajavy, što Łukašenka lehitymny prezident, choć i nie abrany demakratyčna50
Kamientary