«Pahonia» z Varšavy atrymała dazvoł na ŭdzieł u vośmym dyvizijonie čempijanata Polščy pa futbole. Heta amatarski ŭzrovień.
Takim čynam, «Pahonia» stała pieršaj biełaruskaj futbolnaj kamandaj u aficyjnych polskich spabornictvach, piša «Trybuna»
Pieršy matč u rozyhryšy novaha siezona «Pahonia» praviadzie suprać «Małanki» z Varšavy.
U polskaj futbolnaj sistemie naličvajecca 10 dyvizijonaŭ, samy vyšejšy — Ekstrakłasa. Da kłasa A adnosicca siem dyvizijonaŭ, da kłasa V — try. U adnym z takich dyvizijonaŭ i budzie vystupać «Pahonia».
Dyvizijon, u jakim budzie hulać biełaruski kłub, naličvaje 168 hrupaŭ. U toj ža Varšavie — čatyry hrupy.
Darečy, u Polščy najbolšaja dyjaspara biełaruskich futbalistaŭ — 117 čałaviek, jakija hulajuć u dzieviaci dyvizijonach.
U Ekstrakłasie ŭ hetym siezonie hulaje dva bajcy: Illa Škuryn (HKS Katavicy) i Hierman Barkoŭski («Piast»), u pieršaj lizie — try biełarusy, u treciaj — dva.
Najbolš našych hulaje ŭ piatym dyvizijonie — 34, u vośmym, dzie budzie hulać «Pahonia», — 11 biełarusaŭ.
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary