Dziela źniaćcia psuty i ačystki karmy žančyna pradała mašynu i zapłaciła afierystcy 35 tyciač
Padrabiaznaści hetaj kryminalnaj spravy ŭ efiry prahramy «Pryčyny i śledstva» na «Radyjo Minsk» raspaviała aficyjny pradstaŭnik SK Julija Hančarova, paviedamlajuć Minsk-Naviny.
33-hadovaja žycharka Voranava znajšła profil u Instagram, uładalniki jakoha prapanoŭvali akazać mahičnyja pasłuhi pa ačystcy karmy i źniaćci psuty. Žančynu zacikaviła prapanova, i, razmaŭlajučy z «ekstrasensami», jana pieraličvała im sumy za nibyta akazanyja pasłuhi na numar rachunku.
Tak, dziaŭčyna dasłała fota svajoj siamji, i mienavita pa ich machlarka nibyta zdymała psutu. Na adnym sa zdymkaŭ varažbitka ŭbačyła aŭtamabil, skazała, što jon praklaty i jaho nieabchodna «ačyścić». Kali paciarpiełaja adkazała, što ŭ jaje niama na heta hrošaj, machlarka prapanavała pradać mašynu, a hrošy pierasłać joj, što davierlivaja žančyna i zrabiła.
Pry hetym «ekstrasens» prasiła žančynu vydalać ŭsiu pierapisku, nikomu nie raspaviadać pra ich znosiny, kazała, što, kali pra heta chtości daviedajecca, nie nastupić žadany efiekt.
Maładaja žančyna da apošniaha nie chacieła źviartacca ŭ pravaachoŭnyja orhany. Ale kali pra situacyju daznaŭsia jaje muž, jon adrazu zrazumieŭ, što heta ašukancy. Vyśvietliłasia, što ź lutaha pa maj davierlivaja dama pieraličyła «ekstrasensam» bolš za 35 tyjač rubloŭ.
Kamientary