«Nie abmiažoŭvać svabodu Babaryki». Dudaraŭ, Pinihin, Ceśler padpisali adkryty list

Hrupa tvorčaj intelihiencyi Biełarusi apublikavała adkryty list pa «spravie Biełhazprambanka». Tekst źjaviŭsia na staroncy ŭ fejsbuku Dźmitryja Surskaha, kiraŭnika Biełaruskaha sajuza dyzajnieraŭ.

«My, tvorčaja supolnaść Biełarusi, ludzi roznych palityčnych pozirkaŭ i mierkavańniaŭ, ličym, što mastactva ŭ luboj situacyi nie moža być zakładnikam jurydyčnych kalizij, srodkam manipulacyj hramadskaj dumki, pradmietam miedyjnych insinuacyj. Stvareńnie kalekcyi Biełhazprambanka — biesprecedentny vypadak u kulturnym žyćci Biełarusi.

Karciny pradstaŭlajuć vyklučnaje značeńnie nie tolki dla biełaruskaj, ale i dla suśvietnaj kultury. Znakamityja tvory kalekcyi majuć status historyka-kulturnaj kaštoŭnaści, heta značyć niemahčymaść vyvozić ich za miažu biez dazvołu dziaržavy.

Da momantu aryšta kalekcyja była ŭ publičnaj dasiažnaści, stała ekspanavałasia ŭ halerei «Art-Biełaruś». Tamu insinuacyi ŭ presie na temu padrychtoŭki da vyvazu za miažu ličym niedapuščalnymi. Jany padryvajuć davier da dziaržaŭnych ŚMI. Zbor kalekcyi ździejśniŭsia plonnymi namahańniami Viktara Babaryki, jaki u 2015 hodzie atrymaŭ hanarovaje zvańnie «Miecenat kultury Biełarusi».

Pa jaho inicyjatyvie za apošnija 10 hod byli realizavanyja bujnyja kulturnickija prajekty — «Vosieński sałon ź Biełhazprambankam», Mižnarodny forum teatralnaha mastactva «TeArt», Mižnarodny festyval mastactvaŭ «Art-Minsk», stvareńnie kulturnickaha chaba OK16 i inšyja. Eduard Babaryka praciahvaje tradycyi kulturna-sacyjalnaj dziejnaści svajho baćki i pakazvaje dobry prykład supracy biznesu i kultury.

My ličym nieabchodnym zrabić tvory kalekcyi Biełhazprambanka dasiažnymi dla hledača; adnavić pracu kraŭdfandynhavych placovak Mola Mola, Uley.by, kab zabiaśpiečyć praciah sacyjalna-značnaj kulturnickaj i dabračynnaj dziejnaści.

My ličym, što zasłuhi pierad hramadstvam i dziaržavaj, stanoŭčaja reputacyja Babarykaŭ vartyja taho, kab nie abmiažoŭvać ich volu».

List padpisali Dźmitryj Surski, Uładzimir Ceśler, Taćciana Biembiel, Mikałaj Pinihin, Alaksiej Dudaraŭ, Uładzimir Hilep, Halina Palanskaja, Janina Hančarova, Aleś Trusaŭ, Siarhiej Michalenka, Ściapan Sturejka, Ryhor Sitnica, Kanstancin Sielichanaŭ, Siarhiej Hrynievič, Kanstancin Vaščanka, Alaksandr Karpaŭ, Jury Mamlin, Leŭ Ahibałaŭ, Iryna Procka.

Razam z tym u kamientarach vialikaja kolkaść viadomych ludziej vykazali žadańnie padpisać hety zvarot.

• 0
• 0
• 0
• 0
• 0
• 0
• 0
• 0