Uładzimir Varonin miarkuje, što poŭny pierapadlik hałasoŭ budzie sadziejničać ustalavańniu palityčnaj stabilnaści ŭ krainie.
Prezident Małdovy Uładzimir Varonin źviarnuŭsia ŭ Kanstutycyjny sud krainy z prośbaj pieraliku hałasoŭ na parłamienckich vybarach.
Vyniki vybaraŭ, što prajšli ŭ Małdovie ŭ minułuju niadzielu, byli apratestavanyja apazicyjaj, a vuličnyja pratesty vylilisia ŭ biesparadki, u vyniki čaho byli ŭčynienyja pahromy ŭ budynkach parłamienta i prezidenckaj administracyi.
Potym stychijny bunt byŭ zadušany.
Uładzimir Varonin źvinavaciŭ u arhanizacyi biesparadkaŭ Rumyniju. Bucharest adkidaje abvinavačańni.
Apazicyja zaklikała pravieryć śpisy vybarščykaŭ. Centrvybarkam Małdovy na heta pahadziŭsia.
Prezident Varonin miarkuje, što poŭny pierapadlik hałasoŭ budzie sadziejničać ustalavańniu palityčnaj stabilnaści ŭ Małdovie.
Zhodna z vynikami parłamienckich vybaraŭ, u parłamient mielisia trapić čatyry partyi.
Za Partyju kamunistaŭ prahałasavali 49,48% vybarcaŭ, za Libieralnuju, Libieralna‑demakratyčnuju partyi i aljans «Naša Małdova» adpaviedna 13,14%, 12,43% i 9,77%. Astatnija vosiem partyj nie pieraadoleli 6‑adsotkavaha barjeru.
Takim čynam kamunisty atrymlivali 60 mandataŭ z 101 u parłamiencie, a try apazicyjnyja partyi — 41 mandat.
U takim vypadku apazicyja atrymlivała b minimalny šaniec zabłakavać abrańnie kiraŭnika dziaržavy, dla čaho patrabujecca akurat try piatych hałasoŭ deputataŭ, h.zn. 61 mandat z 101.
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary