«Nastupaje momant, kali ty kažaš sabie: «Stop, chopić». Viadučy ANT patłumačyŭ, čamu adchryściŭsia ad kanała
Internet abmiarkoŭvaje publičny demarš viadučaha ANT Artemisa Achpaša, jaki abvinavaciŭ kaleh u chłuśni.
Čytajcie: Televiadučy prahram na ANT źviarnuŭsia da kaleh: Z «takim» telebačańniem mnie nie pa darozie
«Naša Niva» spytała ŭ Achpaša, u jaki kankretna momant jon zrazumieŭ, što jaho kalehi chłusiać. I taksama jakoj reakcyi kiraŭnictva jon čakaje.
«Nastupaje momant, kali ty ŭnutry sabie kažaš: «Stop, chopić», — adkazaŭ Achpaš.
Razryvu kantraktu z ANT jon nie čakaje, bo taho prosta niama — z 2017 hoda jon supracoŭničaje z kanałam jak IP. Ale z telebačańnia, viadoma, paśla svajho demaršu sydzie.
«Ja prosta nie chaču dalej mieć spravy niejkija, adnosiny z našym biełaruskim telebačańniem takim, jakoje jano jość u hety momant. Kali jano pamianiajecca, to, moža, i viarnusia ŭ prafiesiju», — reziumavaŭ viadučy.
Na ANT, kali vieryć raździełu «kamanda telekanała» na karparatyŭnym sajcie, Achpaš byŭ suviadučym adnaho z prajektaŭ ANT — «Udača v pridaču» z «Jeŭraoptam», a taksama vioŭ prahramu «Chit na śniadanak».
U reziume taksama ŭkazana praca na «Biełaruś 2» i STB.
Ciapier čytajuć
U 55 hadoŭ pamior stvaralnik brendu Serge Siarhiej Atroščanka10
Kamientary