Łukašenka nazvaŭ adstaŭku ambasadara Słavakii paśla parada ŭ Minsku mižnarodnym skandałam
Pra heta kiraŭnik krainy skazaŭ na sustrečy z pasłom Sierbii Vielka Kavačevičam, piša Puł pieršaha.
«U nas źjaŭlajecca ŭsio bolš sapraŭdnych siabroŭ. Vy, napeŭna, viedajecie pra ŭčynak pasła Słavakii [jon razam z pasłom Vienhryi naviedaŭ Parad Pieramohi ŭ Minsku, a zatym padaŭ u adstaŭku — NN]. Heta byŭ vielmi dastojny ŭčynak. Mnie, naprykład, nie zusim zrazumiełaja pazicyja aficyjnaha słavackaha kiraŭnictva, jakoje nibyta asudziła hety ŭčynak, i bolš za toje, adpravili ci nie adpravili ŭ adstaŭku», — skazaŭ Łukašenka.
«Ci [źviartajecca da Makieja] jašče razhladajuć pytańnie? Razhladajuć… Heta mižnarodny skandał. Jon vyras u siamji patryjota. Baćka zmahaŭsia z nacyzmam, partyzanam, nakolki ja viedaju, byŭ… Nu jak možna hetamu čałavieku vystaŭlać pretenzii? Słuchajcie, nu raz tak adbyłosia, to varta pramaŭčać, — aburyŭsia kiraŭnik krainy… — Za takija rečy, takija zajavy karać čałavieka — heta nie prymalna, tym bolš u Słavakii. Heta jak by sierbski pasoł pryjšoŭ na padobnaje mierapryjemstva, a jaho pakarali. Nu my ž svaje ludzi. My ž vajavali razam suprać nacyzmu».
Nahadajem, što Jozef Mihaš naviedaŭ Parad Pieramohi ŭ Minsku 9 maja, jak i pasoł Vienhryi. Kali ŭ MZS Słavakii pacikavilisia ŭ dypłamata, čamu jon adpraviŭsia na parad, Mihaš padaŭ u adstaŭku, jakaja była pryniataja.
U MZS Słavakii ličać, što pasoł parušyŭ pryncypy kamunikacyi sa štab-kvateraj, nie raskazaŭšy ab namiery ŭdzielničać u paradzie 9 maja ŭ Minsku.
«Pasoł Mihaš paprasiŭ adchilić jaho ad pasady. Jon parušyŭ asnoŭnyja pryncypy suviazi sa štab-kvateraj, nie prakansultavaŭšysia pra svoj udzieł u śviatkavańni hadaviny zakančeńnia Druhoj suśvietnaj vajny ŭ Minsku, niahledziačy na kaardynacyju miascovaj delehacyi ES», — skazali tady ŭ pres-słužbie MZS Słavakii.
Darečy, pasoł Sierbii Vielka Kavačevič zapomniŭsia tym, što padčas uračystaj cyrymonii zakładki kapsuł ź ziamloj, sabranaj u miescach voinskaj słavy i hibieli mirnaha nasielnictva, jakaja prachodziła 8 maja ŭ Minsku ŭ chramie-pomniku ŭ honar Usich Śviatych, jon adziny z čynoŭnikaŭ i dypłamataŭ byŭ u miedycynskaj mascy.
Vynieśli prysud Palinie Zyl — błohiercy, jakaja stała nulavym pacyjentam spravy Hajuna, bo ŭ jaje znajšli tuju samuju spasyłku ad Matolki15
Kamientary