Capkała: Łukašenka raźbiraŭsia, kolki pievień moža pakryć kurej
Na dumku Valeryja Capkały, u 1994-m hodzie Łukašenku vybrali spraviadliva.
«I ŭ toj čas jon byŭ sapraŭdy blizki, jon padabaŭsia majoj babuli, bo viedaŭ, kolki ad śvińni pavinna naradzicca parsiučkoŭ, jon byŭ blizki vychadcam ź viosak, bo viedaŭ, kolki kurej moža pakryvać adzin pievień. Heta było vielmi blizka, heta impanavała. Ale ja dumaju, daŭno treba sychodzić ad sielskaha ŭkładu, my cełyja ŭrady mianiajem. Minuły ŭrad pamianiali, bo pakasiłasia dźviery la śvinarnika, nie byŭ adramantavany dach. Tut treba mianiać sistemu. Napeŭna, va ŭsioj Biełarusi karovy nie chodziać pad muzyku, ich nie pojać pivam, nie robiać masažy, heta standartnaja situacyja dla ŭsioj respubliki», — skazaŭ Capkała.
Adkazvajučy na zakidy, što jon paspryjaŭ prychodu Łukašenki da ŭłady, jon skazaŭ, što tady ŭ 1994-m nichto nie dumaŭ, što heta budzie nadoŭha. Tady Kanstytucyja praduhledžvała, što maksimalna možna kiravać 10 hadoŭ, i pryvioŭ u prykład pieršaha prezidenta ZŠA Džordža Vašynhtona, jakomu prapanoŭvali treci termin, ale toj skazaŭ, što zakon jość zakonam i mianiać jaho jon nie moža.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?7
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary