Pieranosy z-za karanavirusa i matč lidaraŭ tablicy. Čaho čakać u dziaviatym tury vyšejšaj lihi
Virus, zdajecca, dabraŭsia i da biełaruskaha futboła. Z roznych krynic usio čaściej stała źjaŭlacca infarmacyja pra vypadki zaražeńnia ŭ kamandach vyšejšaj i pieršaj lih. Miery pryniatyja: u minuły i hety ŭikend u pieršaj lizie nie hulajucca matčy dziaržynskaha «Arsienała» (test ich hulca akazaŭsia admoŭnym), taksama ŭ piatnicu nie zhulajuć «Minsk» i «Nioman» (vynik testa hulca «haradžan» pakul nieviadomy).
Razam z Bukmiekierskaj kantoraj Leon my praciahvajem aśviatlać čempijanat Biełarusi pa futbole. Nahadvajem vam pra miery zaściarohi i zaklikajem paźbiahać masavych mierapryjemstvaŭ.
Tyražyravać niepaćvierdžanuju infarmacyju nakont chvorych u inšych kłubach nie chočacca. Ale dzivić reakcyja: kłuby ničoha nie kamientujuć. Zvyčajna zvyškamunikabielnyja mieniedžary nakštałt Vitala Žukoŭskaha z «Isłačy» admaŭlajucca štości kazać ci naohuł ihnarujuć pytańni žurnalistaŭ. Pahadziciesia, što heta vyhladaje jak minimum dziŭna.
Ale pakiniem temu karanavirusa na sumleńni kłubaŭ i Fiederacyi futboła. Chucieńka pra minuły tur: «Słuck» prajhraŭ z-za dvuch pienalci, «Ruch» zabiŭ «Niomanu» bolš miačoŭ, čym za papiarednija siem turaŭ, a BATE na svaim starym stadyjonie vydaŭ na paru sa «Smalavičami» halavuju pahulanku: piać zabili, try prapuścili.
Voś jak skončylisia matčy vośmaha tura:
- «Słuck» — «Enierhietyk-BDU» 1:2 (41, Muchamied — 17, 27 Jachšybojeŭ (abodva hały ź pienalci))
- «Haradzieja» — «Minsk» 1:1 (44, Sajčyč — 20, Chvaščynski)
- «Słavija» — «Tarpieda-BiełAZ» 0:0
- «Nioman» — «Ruch» 2:4 (68, 90+1, Kadzimian — 4, Vasiljeŭ; 14, Hračycha; 55, Siadźko (p); 89, Andronik)
- «Isłač» — «Biełšyna» 2:1 (34, Turanok (ah); 52, Jansane — 85, Papuš (ah))
- «Viciebsk» — «Šachcior» 0:0
- «Smalavičy» — BATE 3:5 (1, Barsukoŭ; 55, Ščahrykovič; 63, Žan Po — 13, Skavyš; 15, Stasievič; 36, Baha; 80, 90+3 Milič)
- «Dynama-Brest» — «Dynama-Minsk» 2:1 (5, Bručyč (ah); 51, Łapcieŭ — 24, Daniła)
TURNIRNAJA TABLICA
A ciapier pierachodzim da matčaŭ dziaviataha tura. Nahadajem, što matč «Minsk» — «Nioman» pieraniesieny.
«Tarpieda-BiełAZ» — «Haradzieja»
- 15.05, 20:00. Žodzina, stadyjon «Tarpieda».
- Kaeficyjenty: «Tarpieda» (pieramoha) — 1.67; ničyja — 3.80; «Haradzieja» (pieramoha) — 6.35.
«Tarpiedaŭcy» praciahvajuć iści siarod lidaraŭ čempijanatu, ale kamandzie Puntusa pastajanna čahości brakuje, kab zabracca na najvyšejšy radok. Žodzincy prajhrali ŭsiaho adnu hulniu z vaśmi, ale try z čatyroch apošnich skončyli ŭničyju.
U «Haradziei» spravy taksama mahli b być lepš — u troch apošnich matčach kamanda nie moža vyjhrać. Heta adrazu adšturchnuła «eks-cukrovych» u druhuju pałovu tablicy. Ale tam takaja ščylnaść, što adna pieramoha — i ty znoŭ u «damkach».
Prahnoz «NN»: totał, mienšy za 2.5.
«Enierhietyk-BDU» — «Dynama-Brest»
- 16.05, 15:00. Maładziečna, haradski stadyjon.
- Kaeficyjenty: «Enierhietyk» (pieramoha) — 4.30; ničyja — 3.95; «Dynama» (pieramoha) — 1.87.
«Studenty» časova mianiajuć prapisku i buduć prymać haściej na maładziečanskim haradskim stadyjonie. Cikava, jak patrabavalnyja miascovyja zaŭziatary pastaviacca da novych haspadaroŭ svajoj spartovaj areny.
Bieraściejcy vyjhrali ŭ apošnich dvuch turach i značna vypravili svajo stanovišča: ad pieršaha radka ich adździalajuć usiaho try bały. Ale prosta sioleta z «Enierhietykam» nie budzie nikomu, heta vidavočna.
Prahnoz «NN»: totał, bolšy za 2.5.
«Šachcior» — «Słavija»
- 16.05, 17:00. Salihorsk, stadyjon «Budaŭnik».
- Kaeficyjenty: «Šachcior» (pieramoha) — 1.43; ničyja — 4.95; «Słavija» (pieramoha) — 8.30.
Kali my amal pavieryli, što «Šachcior» pračnuŭsia i hatovy da vialikich ździajśnieńniaŭ, salihorcy zhubili bały ŭ Viciebsku. «Harniaki» zastajucca samaj niaŭdačlivaj kamandaj lihi.
«Słavija» paśla nie samaha ŭdałaha krasavickaha adrezku praciahvaje nabirać bały. Paśla pieramohi ŭ Viciebsku zdaryłasia ničyja z «Tarpieda-BiełAZ».
Niahledziačy na toje, što mazyrčuki i salihorcy znachodziacca pobač u tablicy, favaryt u subotniaj hulni vidavočny.
Prahnoz «NN»: pieramoha «Šachciora».
BATE — «Słuck»
- 16.05, 19:00. «Barysaŭ-Arena».
- Kaeficyjenty: BATE (pieramoha) — 1.35; ničyja — 5.60; «Słuck» (pieramoha) — 9.90.
Bitva lidaraŭ tablicy i hałoŭny matč tura. U minułyja hady ŭ BATE doma nie zdarałasia prablem u matčach suprać «Słucka», ale sioleta śpisvać słuččakoŭ z rachunkaŭ nie varta.
Jany zdabyli haściavyja pieramohi nad «Šachcioram» dy minskim «Dynama» i hatovyja ŭpieršyniu pieramahčy na «Barysaŭ-Arenie», kab zastacca ŭ lidarach.
Prahnoz «NN»: totał, bolšy za 2.5.
«Biełšyna» — «Viciebsk»
- 17.05, 15:00. Babrujsk, stadyjon «Spartak».
- Kaeficyjenty: «Biełšyna» (pieramoha) — 3.03; ničyja — 3.14; «Viciebsk» (pieramoha) — 2.69.
U Babrujsku chočuć pieramienaŭ. Z 6 maja adpraŭleny ŭ adpačynak hałoŭny trenier Eduard Hradabojeŭ, pošuk novaha koŭča pakul plonu nie daŭ.
«Viciebsk» damohsia niebłahoha vyniku ŭ hulni z «Šachcioram» i ciapier adpraŭlajecca ŭ Babrujsk pa pieramohu. Pieršuju za čatyry matčy.
Prahnoz «NN»: totał, mienšy za 2.5.
«Dynama-Minsk» — «Isłač»
- 17.05, 17:00. Minsk, stadyjon «Dynama».
- Kaeficyjenty: «Dynama» (pieramoha) — 1.86; ničyja — 3.75; «Isłač» (pieramoha) — 4.65.
Z troch pieršych matčaŭ na čale «Dynama» Leanid Kučuk prajhraŭ dva. Jaho kamanda zajmaje 13-y radok, što dla «bieła-błakitnych» aznačaje poŭny pravał.
U «Isłačy» prablemy: zamiest trenirovak hulcy zdajuć testy na karanavirus, bo, jak infarmujuć telehram-kanały, u kłubie źjavilisia chvoryja na COVID-19.
Aficyjnaj infarmacyi niama, ABFF matč nie pieranosić, tamu ŭ «Dynama» jość šaniec skarystacca situacyjaj.
Prahnoz «NN»: «Dynama» nie sastupić.
«Ruch» — «Smalavičy»
- 17.05, 19:00. DASK «Brescki».
- Kaeficyjenty: «Ruch» (pieramoha) — 2.07; ničyja — 3.46; «Smalavičy» (pieramoha) — 4.05.
«Ruch» razyšoŭsia: kamanda hulała blakła siem turaŭ, a potym vydała fiejeryju ŭ Hrodnie, zabiŭšy ažno čatyry miačy. Jaskravaja pieramoha dazvoliła kamandzie Siadniova ŭskočyć u pieršuju pałovu tablicy.
U «Smalavičaŭ» usio pa-staromu. Ale ŭ abaronu kamandy varta adznačyć, što ŭ hulni z BATE jany zdoleli adhulacca ź liku 1:3, ale kłasu nie chapiła, kab adabrać u eks-hiehiemona bały.
Cikava, ci paŭtorycca halavaja fiejeryja i ŭ vočnaj hulni?
Prahnoz «NN»: «Ruch» nie sastupić.
U suviazi z raspaŭsiudam karanavirusa my nie raim vam naviedvać ludnyja mierapryjemstvy, u tym liku futbolnyja matčy. Kali ŭsio ž vyrašycie pajści na stadyjon, prytrymlivajciesia mieraŭ zaściarohi.
Dzialiciesia prahnozami ŭ kamientarach. Kali ličycie siabie ekśpiertam u biełaruskim futbole, zrabicie staŭku ŭ Bukmiekierskaj kantory Leon!
Kamientary