Śviatłana Aleksijevič kupiła ŭ «domie Čyža» nie adny, a dvoje apartamientaŭ
Nobieleŭskaja łaŭreatka Śviatłana Aleksijevič vałodaje adrazu dźviuma kvaterami ŭ skandalna viadomym «domie Čyža» pa adrasie Staražoŭskaja, 6 u Minsku.
U krasaviku 2016 hoda jana nabyła svaje pieršyja apartamienty ŭ «domie Čyža» — płoščaj 122,7 kv. m. Taja kvatera kaštavała joj $325 tysiač.
Čytajcie: Śviatłana Aleksijevič nabyła apartamienty ŭ «domie Čyža»
Aleksijevič tłumačyła svoj vybar: doŭhi čas jana žyła ŭ susiednim domie pa adrasie Staražoŭskaja, 8. Tam joj naležała dvuchpakajoŭka płoščaj kala 50 kv. m, zastaŭlenaja knihami. Piśmieńnicy nastolki padabaŭsia vid na Śvisłač, što jana nie chacieła jaho hublać.
Navina pra kuplu kvatery ŭ «domie Čyža» vyklikała nieadnaznačnuju reakcyju hramadstva. Estetyka hetaha budynka złuje mnohich minčukoŭ.
«Sprava nie tolki va mnie. Heta naohuł staŭleńnie da čałavieka, jaki troški padniaŭsia. Heta prablema takoha niebahataha hramadstva. Niespraviadlivaja prablema. Čamuści nikoha nie biantežyć zamak, u jakim žyvie Hałkin z Puhačovaj. Heta ŭsio naohuł miljony kaštuje. A voś u mianie čamuści tak, choć ja prosta kupiła kvateru ŭ tym ža domie, tolki bolšuju, pakolki ja pryvykła da vidu, heta vielmi pryhožy vid. Ja dumaju, što ludzi potym zrazumiejuć, što ničoha ŭ hetym niama, što čałaviek, jaki zarabiŭ, moža sabie dazvolić, što jon choča», — kamientavała situacyju nobieleŭskaja łaŭreatka.
Jak stała viadoma «Našaj Nivie», praź niekalki miesiacaŭ paśla pieršaj ździełki, u vieraśni 2016 hoda, Śviatłana Aleksijevič nabyła jašče adnu kvateru ŭ «domie Čyža». Jaje płošča — 145,3 kv. m. Raniejšy haspadar — biznesmien u śfiery turyzmu.
A jašče amal praz hod, u žniŭni 2017 hoda, Aleksijevič pradała svaju staruju dvuchpakajoŭku ŭ susiednim domie.
Čytajcie. «Śviatłana Aleksijevič addaje pieravahu rustykalnamu stylu» — interjery katedža ŭ Siličach FOTA
Ciapier čytajuć
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka13
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi77
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi7
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary