Savinych raskazaŭ, u čym «ahulnaść kulturnaha koda» ŭ biełarusaŭ i kyrhyzaŭ
«Pamiać ab Vialikaj Ajčynnaj vajnie stała mišeńniu manipulacyj, hetaja ataka nie maje ničoha ahulnaha z historyjaj. Jana skiravanaja na źniščeńnie nacyjanalnaj i rehijanalnaj samaśviadomaści», — napisaŭ u fejsbuku deputat Pałaty pradstaŭnikoŭ Andrej Savinych.
«A jakaja ŭ vas, darujcie, «rehijanalnaja samaśviadomaść?» «Rehijanalnaja supolnaść» i z kim u vas «blizkaść kulturnaha i kaštoŭnasnaha kodu?» — adrazu pacikavilisia ŭ kamientarach.
«Naprykład, z krainami JEAES», — adkazaŭ Savinych.
JEAES — heta handlovaja arhanizacyja, u ramkach jakoj svabodna pierasoŭvajucca tavary krain-udzielnic. U JEAES uvachodziać Biełaruś, Rasija, Armienija, Kazachstan i Kyrhyzstan.
«Naša Niva» pacikaviłasia ŭ Savinych, jakuju kankretna ahulnaść kulturnych kodaŭ jon uhledzieŭ pamiž biełarusami i, naprykład, kyrhyzami.
«U hetych krain isnuje supolnaje ŭjaŭleńnie ab śvietaparadku, šmat u čym supadajuć kaštoŭnaści — tradycyjnyja i kansiervatyŭnyja. Naprykład, siamiejnyja kaštoŭnaści. Jość razumieńnie, što tolki razam, farmirujučy ahulnuju ekanamičnuju prastoru, my zmožam zabiaśpiečyć dabrabyt dla našych hramadzian. Voś heta i źjaŭlajecca samaśviadomaściu. Uśviedamleńniem taho, što nam treba žyć u sajuzie i ŭmacoŭvać našyja intehracyjnyja suviazi», — pierakanany Savinych.
Siamiejnyja kaštoŭnaści siarednieazijackich narodaŭ davoli śpiecyfičnyja z pazicyj biełarusa — prymalnaj źjavaj ličycca faktyčnaje šmatžonstva, praktykujucca vykupy i hvałtoŭnyja vykradańni niaviest.
«Ja dapuskaju, što ŭ słova «samaśviadomaść» vy ŭkładajecie inšy sens, jaki abmiažoŭvajecca, chutčej, ramkami nacyjanalnaha, ja ž układaju ekanamičny i internacyjanalny sens», — dadaŭ deputat.
Na pytańnie, čamu naroščvańnie intehracyjnych suviaziaŭ z kyrhyzami bolš kaštoŭna dla Biełarusi, čym suviazi z palakami i litoŭcami, Savinych skazaŭ, što ŭ isnaj situacyi praściej handlavać z krainami JEAES. Ale, maŭlaŭ, z palakami taksama treba, prosta rabić heta ciažej.
Ciapier čytajuć
Kiraŭnik Lidy zaklikaŭ siłavikoŭ nie spyniać palityčnych represij26
Kamientary