U Žytkavičach pamior 63-hadovy rabotnik zavoda, na jakim spačatku znajšli karanavirus, a potym skazali, što jaho niama
U noč na niadzielu, 12 krasavika, u Homielskaj abłasnoj infiekcyjnaj balnicy pamior 63-hadovy Mikałaj Ciarenia. Pra heta «Našaj Nivie» paviedamiŭ jahony syn Vital. Jość padazreńni na karanavirus.
Mikałaju Ciareniu stała kiepska jašče 6 krasavika, mocna padniałasia tempieratura — da 39 hradusaŭ. Svajaki śćviardžajuć, što mužčyna vyklikaŭ chutkuju, ale jana nie pryjechała, parekamiendavali źbivać tempieraturu nacirańniami i tabletkami.
«Tolki 9 krasavika pryjšoŭ doktar dadomu. Na nastupny dzień baćka pajšoŭ na pryjom u palikliniku, adkul jaho ź pnieŭmanijaj i zabrali na Homiel», — kaža Vital Ciarenia.
Žonku mužčyny, a taksama ŭnučku, jakaja haściła ŭ baby ź dziedam, zabrali ŭ žytkavickuju balnicu na karancin. Pakul nie zrazumieła, kali ich mohuć adpuścić.
«U 1:52 u noč na niadzielu pazvanili z Homiela, skazali, što baćka pamior», — kaža Vital. Pakul svajaki nie mohuć zabrać cieła z abłasnoha centra. Nie bačyli rodnyja i zaklučeńnie ab śmierci. Na hety momant niezrazumieła, u jakim farmacie adbudziecca pachavańnie: ci budzie heta zakrytaja truna, ci nie.
«U nas ža ciapier zaŭsiody pišuć «pnieŭmanija», — kaža pra pryčyny śmierci brat niabožčyka, Ivan.
Admietna, što Mikałaj Ciarenia ŭsio žyćcio adpracavaŭ na Žytkavickim matorabudaŭničym zavodzie. Da apošniaha času jon pracavaŭ tam šlifoŭščykam-naładčykam štampavoha abstalavańnia. Heta jakraz toje samaje pradpryjemstva, dzie ŭ adździele kadraŭ pracavała žančyna, u jakoj u kancy sakavika spačatku paćvierdziŭsia karanavirus, a potym miedyki zajavili, što karanavirusa nie było.
Čytajcie. Karanik: Testy žančyny ź pnieŭmanijaj z Žytkavič pakul razychodziacca
«Naŭrad ci jon moh pa pracy pierasiakacca z toj žančynaj, — kaža syn. — Nijakich chraničnych zachvorvańniaŭ u baćki nie było. Narmalny, zdarovy mužyk».
Ciapier čytajuć
Pamiatajecie ŭkrainku, jakuju rasijanie pryviazali da słupa? Tyja, chto jaje katavaŭ, za hady vajny amal usie zahinuli. A voś što robić ciapier jana2525
Kamientary