Stali viadomyja miery, pryniatyja dla prafiłaktyki karanavirusa ŭ sistemie MUS
U «Našu Nivu» trapiła rasparadžeńnie ministra ŭnutranych spraŭ Juryja Karajeva, datavanaje jašče 23 sakavika.
Jano nazyvajecca «Ab prafiłaktyčnych mierapryjemstvach» i pryśviečana dziejańniam viedamstva va ŭmovach pandemii karanavirusa.
U rasparadžeńni Karajeŭ, aproč inšaha, patrabuje ad svaich supracoŭnikaŭ nastupnaha.
— Abmiežavać praviadzieńnie słužbovych narad ci arhanizoŭvać ich u videa-režymie, u vypadku abhruntavanaj nieabchodnaści arhanizoŭvać narady ŭ prastornych słužbovych pamiaškańniach z dobrym pravietryvańniem, z udziełam minimalnaj kolkaści supracoŭnikaŭ.
— Admianić praviadzieńnie vučebna-trenirovačnych i vučebna-mietadyčnych zboraŭ, spartovych i spartova-masavych mierapryjemstvaŭ.
— Arhanizavać štodzionny ahlad na najaŭnaść skarhaŭ na stan zdaroŭja kursantaŭ, vajskoŭcaŭ unutranych vojskaŭ.
— Nie dapuskać da słužby ź simptomami vostraj reśpiratornaj infiekcyi.
— Raić supracoŭnikam vyklučyć vyjezd za miežy Respubliki Biełaruś.
— Vyklučyć dopusk u budynki AUS asob ź simptomami VRI.
— Abmiežavać karotkaterminovyja zvalnieńni vajskoŭcaŭ terminovaj słužby, kursantaŭ MUS, adpačynki sałdat terminovaj słužby, a taksama abmiežavać naviedvańni svajakami i inšymi asobami vajskoŭcaŭ terminovaj słužby.
— Abmiežavać pradastaŭleńnie vučniam «Śpiecyjalizavanaaha liceja MUS» zvalnieńni za miežy ŭstanovy adukacyi.
— Arhanizavać praviadzieńnie tłumačalnaj raboty s supracoŭnikami, kursantami […] pa pytańniach prafiłaktyki karanavirusnaj infiekcyi, ab časovym charaktary abmiežavalnych zachadaŭ, vykładzienych u dadzienym rasparadžeńni […] a taksama piersanalnaj adkaznaści i nastupstvach nievykańnia rekamiendacyj pa pavodzinach va ŭmovach strymlivańnia pieradačy i praduchileńnia raspaŭsiudu karanavirusnaj infiekcyi.
— Prypynić pradastaŭleńnie asobam, jakija ŭtrymlivajucca va ŭstanovach kryminalna-vykanaŭčaj sistemy, karotkaterminovych i praciahłych spatkańniaŭ z nastupnym zachavańniem ich kolkaści.
— Maksimalna pašyryć praktyku pradastaŭleńnia telefonnych razmoŭ asudžanym, u tym liku z vykarystańniem sistem videasuviazi.
— Asob, jakija pastupajuć va ŭstanovy kryminalna-vykanaŭčaj sistemy, apytvać na pradmiet vyjezdu za miežy Respubliki Biełarusi. U vypadku vyjaŭleńnia […] ažyćciaŭlać ich izalacyju ŭ asobnaje pamiaškańnie, pravodzić miedycynskaje nazirańnie.
— Zabiaśpiečyć najaŭnaść dezynfikujučych srodkaŭ u mašynach.
— Zabiaśpiečyć nieabchodny zapas renthienaŭskaj stužki dy inš.
Ciapier čytajuć
Nad šerym kardynałam Nacbanka zhuścilisia chmary? Zatrymali jaho siabra, byłoha vykanaŭčaha dyrektara Banka raźvićcia5
Kamientary