Ułady Ukrainy z suboty, 28 sakavika, całkam zakryjuć avijaznosiny i pierasiačeńnie miažy ciahnikami. Pra heta paviedamiŭ ministr unutranych spraŭ Arsien Avakaŭ, piša «Hromadśkie».
Jon zaklikaŭ hramadzian krainy, jakija znachodziacca da hetaha času za miažoj, viarnucca va Ukrainu na praciahu dvuch dzion ci zastacca za miažoj na čas abmiežavańniaŭ. «Samaloty da nas prybyvajuć da piatnicy. U noč ź piatnicy na subotu lubyja avijaznosiny buduć spynienyja, jak i złučeńnie ciahnikami. Jość dva dni [dla viartańnia]», — zajaviŭ Avakaŭ.
U toj ža čas ministr zamiežnych spraŭ Ukrainy Dźmitryj Kuleba adznačyŭ, što spyniajecca rehularnaje złučeńnie. Ukraincy zmohuć pierasiačy miažu na ŭłasnych aŭtamabilach abo pieššu.
25 sakavika premjer-ministr Ukrainy Dzianis Šmyhal nazvaŭ adzinaj krynicaj raspaŭsiudžvańnia karanavirusa ŭ krainie ludziej, jakija viarnulisia z zarobkaŭ i z vandrovak. Pavodle jaho słoŭ, masavy pryjezd hramadzian z-za miažy praciahvajecca, što «ŭzmacniaje i pavialičvaje kolkaść ludziej, zaražanych infiekcyjaj».
Ciapier čytajuć
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu10
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła44
Kamientary