Dva čałavieki zahinuli ŭ Maskvie paśla kupańnia ŭ basiejnie z suchim lodam
U Maskvie dva čałavieki zahinuli paśla taho, jak vykupalisia ŭ basiejnie, kudy zasypali 25 kiłahramaŭ suchoha lodu. Jašče dvaich špitalizavali.
Incydent adbyŭsia ŭ basiejnie łaźnievaha kompleksu, dzie adznačali dzień naradžeńnia 18 čałaviek. Vada ŭ basiejnie padałasia adpačyvalnikam zanadta ciopłaj i jany zasypali tudy 25 kiłahramaŭ lodu. Paśla łaźni stali skakać tudy. Čatyrom stała drenna: dvoje zahinuli ŭ basiejnie, dvoje špitalizavany. Atručvańnie adbyłosia z-za chimičnaj reakcyi.
U łaźnievym kompleksie svajo 29-hodździe adznačała internet-błohier Kaciaryna Dzidzienka. Jana vykłała ŭ Stories u Instagram videa, na jakim paviedamiła, što zastałasia žyvaja, a jaje muž — u reanimacyi.
Kamientary