Pradprymalnik zabyŭ u BMV $70 tysiač, a złodziej nie zaŭvažyŭ i skraŭ tolki $50 tysiač
22 lutaha ŭ Staŭbcoŭski RAUS źviarnuŭsia 40-hadovy biznesoviec. Jon paviedamiŭ, što nočču nieviadomyja skrali ź jaho BMW X6 $50 tysiač, jakija lažali ŭ pakiecie na zadnim siadzieńni, paviedamlaje ŭ svaim telehram-kanale aficyjny pradstaŭnik MUS Volha Čamadanava.
Sprava była takaja. Mužčyna viarnuŭsia dadomu ź Minska, pryparkavaŭ mašynu ŭ dvary. U sałonie zastalisia lažać $70 tysiač: bolšaja častka ŭ pakiecie, a kala $20 tysiač u torbie.
Mašyna była abstalavana sistemaj dostupu biez kluča, h. zn. z aŭtamatyčnym admykańniem i zamykańniem centralnaha zamka pry zbližeńni abo addaleńni kluča. Vidać, pryłada nie spracavała, i mašyna zastałasia niezamknionaj.
Hetym skarystaŭsia padazravany: tuzanuŭ za ručku, i dźviery adčynilisia. Pakiet z valutaj jon zabraŭ, ale ad radaści bolš ničoha nie šukaŭ, tamu sumka ź mienšaj sumaj valuty zastałasia niekranutaj.
40-hadovaha złamyśnika znajšli na praciahu sutak. Jaho zatrymali ranicaj u jahonym domie ŭ Fanipali. U jaho aŭtamabili byli znojdzieny hrošy, pistalet, bałakłava i mietaličnaja pałka.
Viadoma, što jon raniej nie sudzimy, pracuje indyvidualnym pradprymalnikam, handluje aŭtazapčastkami.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty46
Kamientary