Adpačynak na Bali kaštavaŭ aktyvistu Matolku bolš za $3000. Na što pajšli hrošy?
Błohier i haradski aktyvist Anton Matolka dniami viarnuŭsia z adpačynku. Razam ź dziaŭčynaj — hałoŭnaj redaktarkaj Kuku.orh Nastaśsiaj Rahatko — jon pravioŭ try z pałovaj tydni na vostravie Bali ŭ Indaniezii. Matolka raskazaŭ, kolki patraciŭ na adpačynak.
Aktyvist pryvodzić vydatki za dvaich za 26 dzion.
«Pieralot — 1050 jeŭra na dvaich «ekanomam» tudy-nazad.
Na charčavańnie (ni ŭ čym sabie nie admaŭlali, kaštavali, što chacieli, ałkahol pili zredku) — 950 jeŭra. Doma nie hatavali, u kramach zbolšaha ničoha nie kuplali.
Na pierasoŭvańnie (taksoŭki, łodki, skuter, bienzin) — 200 jeŭra.
Žyllo — 640 jeŭra. Hladzieli varyjanty za 20-30 jeŭra za noč. Mahli być z uklučanym śniadankam, mahli być biez. Paŭsiul (akramia pieršaha miesca) byŭ nievialiki basiejn u dvary.
Usialakija raschody kštałtu masažu, mazi ad ukusaŭ i inšaje — 70 jeŭra», — padzialiŭsia Matolka ŭ fejsbuku.
Ahułam za adpačynak Matolka i Rahatko addali $3242.
«U tvitary ŭ kamientarach užo niechta napisaŭ, što za hod stolki nie zarablaje, kolki ja za adpačynak patraciŭ,
— kaža Anton. — Ale kali ad usioj sumy adniać pieralot i košt žylla, a atrymanaje padzialić na dva, tady ličba nie tak pužaje».
Kaža, što na Bali možna pabyvać i biudžetniej, navat biez straty kamfortu. Naprykład, kafe tam dzielacca na instahramnyja (chipsterskija, z pryhožaj ježaj) i zvyčajnyja. U apošnich možna pajeści ŭ 3-4 razy tańniej, i taksama budzie smačna. Adna strava kaštuje ad 3 da 8 jeŭra.
«Na moj pohlad, usia Paŭdniova-Uschodniaja Azija prykładna ŭ adnym cenavym siehmiencie. Jana tańniejšaja za zachodniejeŭrapiejskija krainy — Ispaniju, Italiju, Aŭstryju», — zaŭvažaje Matolka.
Bali dla adpačynku jon vybraŭ praź luboŭ da Paŭdniova-Uschodniaj Azii.
«Mnie tam vielmi kamfortna. Bali šmathranny, padabajucca ludzi, ježa, pryroda. U Bali možna prylacieć bieź vizy na pieryjad da 30 dzion», — tłumačyć aktyvist.
Dadaje, što ŭ nastupnym hodzie spadziajecca pravieści adpačynak na Šry-Łancy ci Filipinach. A ŭletku budzie jeździć pa Biełarusi.
Ciapier čytajuć
17‑hadovy chłopiec žyvie ŭ padvale. Jon zaharnuŭsia ŭ čyrvona-zialony ściah, kab Łukašenka źviarnuŭ na jaho ŭvahu18
Kamientary