Minfin: Nieabchodnaści ŭ źmienie biudžetu Biełarusi z-za situacyi z rasijskaj naftaj niama
Minfin Biełarusi nie bačyć nieabchodnaści ŭ karekciroŭcy biudžetu ŭ suviazi z adsutnaściu pastupleńniaŭ u biudžet ekspartnych pošlin na syruju naftu. Pra heta zajaviŭ žurnalistam ministr finansaŭ Maksim Jermałovič, piša Tut.by.
Pakul kazać pra niejkija źmieny hadavych dachodaŭ biudžetu rana. My pracujem u štatnym režymie. Nijakich rašeńniaŭ, źviazanych sa źmianieńniem umoŭ pastaŭki nafty, nie prymali, pracujem pa zaćvierdžanym biudžecie. Nieabchodnaści ŭ ekstrannaj źmienie biudžetu niama, — skazaŭ Jermałovič.
Ministr adznačyŭ, što niekalki lepš, čym płanavałasia, vykanany biudžet minułaha hoda.
— Tamu my dastatkova padrychtavana ŭvachodzim u biudžet 2020 hoda i z punktu hledžańnia valutnych resursaŭ, i z punktu hledžańnia rublovych reštkaŭ na rachunkach. My vielmi dobra padrychtavalisia da lubych ryzyk, źviazanych u tym liku z pracaj naftahazavaha kompleksu, - zapeŭniŭ jon.
Jermałovič taksama raspavioŭ, što ŭ pieršym kvartale 2020 hoda Biełaruś rychtujecca da vychadu na rynak zapazyčańniaŭ z čarhovym vypuskam jeŭrabondaŭ na 1-1,2 młrd dalaraŭ.
Kamientary