Raźliki raźmieščanych na Blizkim Uschodzie kompleksaŭ supraćrakietnaj abarony Patriot, hetak ža, jak i ŭsie astatnija vajskoŭcy ZŠA ŭ rehijonie, byli pryviedzieny ŭ poŭnuju bajavuju hatoŭnaść paśla taho, jak raźviedka paviedamiła pra pahrozu naniasieńnia Iranam udaraŭ z dapamohaj bieśpiłotnikaŭ, paviedamlaje telekanał CNN sa spasyłkaj na svaje krynicy, piša RBK
«Źjavilisia prykmiety taho, što nam nieabchodna adsočvać pahrozy jašče bolš uvažliva, čym da hetaha času», — zajaviŭ CNN nienazvany amierykanski čynoŭnik. Druhi surazmoŭca paćvierdziŭ, što ŭ režymie pavyšanaj hatoŭnaści vajennyja znachodziacca ŭžo niekalki dzion, adnak viečaram paniadziełka ŭzrovień pilnaści byŭ jašče pavyšany, bo stała viadoma pra «niepasrednuju pahrozu napadu».
Pa źviestkach CNN, amierykanskaja raźviedka adsočvaje pieramiaščeńni ŭ Iranie vajennaj techniki, u tym liku bieśpiłotnikaŭ i balistyčnych rakiet. Surazmoŭcy telekanała adznačajuć, što takija miery mohuć być jak sprobaj Tehierana zakryć techniku ad udaraŭ z boku ZŠA, tak i padrychtoŭkaj da ŭłasnaha ŭdaru.
Mahčymymi celami dla udaraŭ Irana ŭ ZŠA ličać svaje vajennyja bazy ŭ Iraku, Kuviejcie, Saudaŭskaj Aravii, AAE i Iardanii.
Ciapier čytajuć
Za vybuch u minskim mietro sudzili nie tolki Kanavałava i Kavalova. Jak skłaŭsia los jašče troch fihurantaŭ spravy?7
Kamientary