Iranskija ŭłady zajavili pra rašeńnie admovicca ad vykanańnia adnaho z punktaŭ «jadziernaj ździełki», zaklučanaj u 2015 hodzie.
Jak prahučała ŭ efiry dziaržaŭnaha telebačańnia Irana, pieradaje RBK sa spasyłkaj na Rojterz, u krainie ŭzrovień uzbahačeńnia ŭranu budzie zaležać nie ad umoŭ pahadnieńnia piacihadovaj daŭniny, a ad patrebaŭ krainy. Zajava była zroblena na fonie eskałacyi napružanaści paśla zabojstva ŭ Bahdadzie iranskaha hienierała Kasiema Sulejmani.
Pry hetym u Tehieranie asabliva adznačyli, što hatovy praciahnuć supracoŭnictva z MAHATE i viarnucca da ŭmoŭ pahadnieńnia ŭ vypadku źniaćcia amierykanskich sankcyjaŭ.
Jašče ŭ listapadzie kiraŭnictva Arhanizacyi pa atamnaj enierhii Irana abviaściła ab zapampoŭcy hazu ŭ centryfuhi, pryznačanyja dla ŭzbahačeńnia ŭranu da ŭzroŭniu 5%. Taki ŭran vykarystoŭvajecca ŭ enierhietyčnych reaktarach pa ŭsim śviecie. Technałohija hruntujecca na tym, što hazapadobnyja złučeńni ŭranu źmiaščajucca ŭ centryfuhu, dzie iniercyja prymušaje ciažkija malekuły kancentravacca la ścienkach centryfuhi.
Da zaklučeńnia jadziernaj ździełki Iran uzbahačaŭ uran da 20%. Taki uran — z kancentracyjaj izatopa ŭran-235 zvyš za 20% — nazyvajuć vysokaŭzbahačanym, abo zbrojevym.
Jadziernaje pahadnieńnie, viadomaje jak Sumiesny ŭsioabdymny płan dziejańniaŭ, było padpisana ŭ 2015 hodzie. Jano praduhledžvała abmiežavańnie jadziernaj prahramy Irana ŭ abmien na źniaćcie mižnarodnych sankcyj suprać krainy. U mai 2018 hoda prezident ZŠA Donald Tramp zajaviŭ ab vychadzie ź Jadziernaha pahadnieńnia z Tehieranam.
Kamientary