Praź dźvie katastrofy adnoj madeli Boinha zvolnieny dyrektar kampanii
Rada dyrektaraŭ amierykanskaj kampanii «Boinh» zvolniła vykanaŭčaha dyrektara Denisa Miujlenburha — paśla pilnaha razhladu, jaki ciahnuŭsia hod, i prypynieńnia vytvorčaści samalotaŭ, paviedamlaje Rydyjo Svaboda sa spasyłkaj na Reuters. Kryzis byŭ vyklikany dvuma — za paŭhoda — avijakatastrofami łajnieraŭ Boeing 737 Max.
Zvalnieńnie kiraŭnika kampanii adbyłosia ŭ toj čas, kali najbujniejšy suśvietny avijabudaŭnik sprabuje nanova siertyfikavać svoj najbolš pradavany łajnier. Paśla hibieli dvuch samalotaŭ z usimi pasažyrami i členami ekipažaŭ, karparacyja «Boinh» imkniecca adnavić davier da siabie z boku padarožnikaŭ, avijakampanij i akcyjanieraŭ.
Z 13 studzienia 2020 hoda staršynia rady dyrektaraŭ Dejv Kałchun prymie na siabie abaviazki vykanaŭčaha dyrektara i prezidenta kampanii.
Spynieńnie palotaŭ łajnieraŭ Boeing 737 Max stała najbujniejšym kryzisam za 34 hady pracy Denisa Miulenburha ŭ avijabudaŭničaj karparacyi. U 1985 hodzie jon pačynaŭ tut u jakaści interna i prajšoŭ pa karjernaj leśvicy praz roznyja padraździaleńni, dasiahnuŭšy najvyšejšaj pazicyi ŭ 2015 hodzie.
U kastryčniku minułaha hoda krušeńnie łajniera avijakampanii Lion Air u Indaniezii zabrała žyćci 189 čałaviek. U sakaviku 2019 hoda samalot avijakampanii Ethiopian Airlines hetaj ža madeli raźbiŭsia ŭ Efiopii, zahinuli 157 čałaviek. Paśla druhoj katastrofy pa ŭsim śviecie byli prypynienyja paloty Boeing 737 Max.
«Pra sustreču Łuku zaŭsiody prasili pieradać Pucinu». Šuster raskazaŭ, jak Łukašenka prapanoŭvaŭ svaje pasłuhi amierykancam9
Kamientary