Lidary NATA nazvali «rasijskuju pahrozu» i teraryzm hałoŭnymi vyklikami
Aktyŭnaść Rasii zastajecca surjoznym vyklikam dla NATA, vynikaje z dekłaracyi pa vynikach samitu členaŭ aljansu. «Ahresiŭnyja dziejańni Rasii pradstaŭlajuć saboj pahrozu dla jeŭraatłantyčnaj biaśpieki», — adznačajecca ŭ dakumiencie, pryniatym pa vynikach sustrečy lidaraŭ 29 krain aljansu ŭ Łondanie, piša RBK.
Členy NATA źbirajucca i ŭ budučyni prymać miery pa abaronie svaich miežaŭ i źnižeńnia jadziernaj niebiaśpieki z boku Maskvy. «My prymajem i budziem praciahvać uzvažana i adkazna prymać miery ŭ adkaz na razhortvańnie Rasijaj novych rakiet siaredniaj dalokaści, jakija pryviali da spynieńnia dziejańnia Damovy ab likvidacyi rakiet siaredniaj i mienšaj dalokaści (DRSMD) i stvarajuć značnyja ryzyki dla jeŭraatłantyčnaj biaśpieki», — havorycca ŭ dekłaracyi. U Rasii abviarhajuć razhortvańnie zabaronienych rakiet i vinavaciać ZŠA ŭ razvale DRSMD.
Pry hetym aljans hatovy da ŭzajemadziejańnia z Rasijaj. «My zastajemsia adkrytymi dla dyjałohu, a taksama dla kanstruktyŭnych stasunkaŭ z Rasijaj, kali dziejańni Rasii robiać heta mahčymym», — adznačajecca ŭ vynikovaj zajavie členaŭ NATA. Maskva zastajecca najbujniejšym sajuźnikam aljansu i ŭ błoku zacikaŭleny ŭ palapšeńni dyjałohu z Maskvoj, skazaŭ hienieralny sakratar Jens Stołtenbierh na pres-kanfierencyi ŭ sieradu.
Akramia Rasii pahrozaj u NATA ličać i hłabalny teraryzm, udakładniajecca ŭ vynikovaj dekłaracyi. Aljans hatovy adbić pahrozu, adkul by jana ni šła.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ6
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary