AHP vyklučyła z svaich šerahaŭ Hannu Kanapackuju: «straciła suviaź z partyjaj»
Adpaviednaja pastanova była pryniataja na Palitradzie Abjadnanaj hramadzianskaj partyi, jakaja adbyłasia 1 śniežnia ŭ Minsku, piša «Radyjo Svaboda».
Razhladajučy pytańnie ab «adpaviednaści zakanadaŭčaj inicyjatyvy Hanny Kanapackaj Statutu i prahramie partyi» palitrada pryniała rašeńnie:
«Z pryčyny nieadnarazovych parušeńniaŭ Hannaj Kanapackaj Statutu AHP (p. 3.4 i p.9), straty davieru partyi da Hanny Kanapackaj i straty Hannaj Kanapackaj suviazi z partyjaj, Palitrada AHP vyrašyła vyklučyć Kanapackuju z AHP».
Sioleta ŭ vieraśni deputatka Pałaty pradstaŭnikoŭ Hanna Kanapackaja prypyniła siabroŭstva ŭ AHP z pryčyny taho, što partyja admoviłasia ad supracoŭnictva ź joju napiaredadni parłamienckich i prezidenckich vybaraŭ.
Na źjeździe AHP 29 vieraśnia sioleta ŭ jakaści arhumientaŭ suprać jaje vyłučeńnia prahučała toje, što Kanapackaja padčas pracy deputatam u Pałacie pradstaŭnikoŭ nie padymała z parłamienckaj trybuny pytańnie falsifikacyi vybaraŭ i pravakavała svaimi zajavami kanflikty ŭnutry partyi.
Sioleta 27 listapada Kanapackaja apublikavała zakonaprajekt ab harantyjach byłomu prezidentu Biełarusi i jaho siamji. Pavodle zakonaprajektu, byłoha prezidenta nielha budzie asudzić za złačynstvy i pravaparušeńni, učynienyja ŭ čas prezidenctva. Jon atrymaje pažyćciovuju piensiju i zmoža karystacca adnoj z rezidencyj.
Hety krok deputatki vyklikaŭ u biełaruskaj miedyjaprastory rozhałas i palityčnyja dyskusii.
Čytajcie taksama:
Kanapackaja prapanuje Łukašenku niedatykalnaść, 75% ad zarobku i adnu rezidencyju va ŭłasnaść
Statkievič, Labiedźka i Dźmitryjeŭ prakamientavali prapanovy Kanapackaj ab niedatykalnaści Łukašenki
Dva BNFy, AHP, «Havary praŭdu», BCHD: Chto z kim i suprać kaho siabruje
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna4
Kamientary