Deputatka Pałaty pradstaŭnikoŭ Hanna Kanapackaja prapanavała prajekt zakona «Ab harantyjach dla byłoha prezidenta». U pryvatnaści, Kanapackaja prapanuje niedatykalnaść, zachavańnie 75% ad zarobku, pieradaču adnoj z rezidencyj va ŭłasnaść, a taksama achovu za dziaržaŭny košt. «NN» apytała lidaraŭ palityčnych ruchaŭ, što jany dumajuć na hety kont.
Mikoła Statkievič: «Razmaŭlać ab harantyjach možna da pieršaj kryvi»
«Litaralna siońnia Biełaruski nacyjanalny kanhres vystupiŭ z zajavaj, dzie prapanuje ŭładam dyjałoh napiaredadni 8 śniežnia, kali ŭ Maskvie pavinna być padpisanaje pahadnieńnie ab «pahłyblenaj intehracyi». Adzinaja ŭmova — vyzvaleńnie palitviaźniaŭ i adnaŭleńnie ŭ pravach raniej asudžanych pa palityčnych matyvach.
Ale ja nie vieru, što Łukašenka prymie hetuju prapanovu — heta jak prapanoŭvać narkamanu bułačku z kiefiram zamiest narkotykaŭ. Jon pahodzicca na taki dyjałoh tolki kali budzie pozna. Na siońnia Łukašenka zahnany Rasijaj u kut.
Adzin rasijski palityk — jość u mianie i takija suviazi praz Sacyjalistyčny internacyjanał — prama kazaŭ: «A kudy jon padzieniecca z padvodnaj łodki?» Takoje ŭ ich usprymańnie situacyi.
Harantyi biaśpieki mohuć stać pradmietam pieramovaŭ, kali Łukašenka pahodzicca na svabodnyja vybary, u jakich sam nie budzie brać udzieł. Da pieršaj kryvi heta dziejničaje».
Anatol Labiedźka: Biaśpieka — tak, materyjalnyja dabroty — nie
«Sama ideja nie novaja, i jaje pieršaj prapanavała daloka nie Kanapackaja. Heta hučała dla taho, kab nie rabić palityčnych raspravaŭ, kab moh adbyvacca spakojny pierachod ułady. Dla depryvatyzacyi pasady prezidenta.
U Kanapackaj krychu inšy padychod. Asabliva heta tyčycca materyjalnych dabrotaŭ. U ludziej heta budzie vyklikać razdražnieńnie. Łukašenka tak i nie vykanaŭ svajo abiacańnie davieści zarobki da 500 dalaraŭ. Uzrovień žyćcia ŭ krainie našmat nižejšy, čym u Polščy. Tamu heta nie budzie sychod usimi lubimaha kiraŭnika.
Dać haranty biaśpieki — heta adno, a davać materyjalnyja vyhady — zusim inšaje».
Andrej Dźmitryjeŭ: «Nie dapamoža»
«Dobraja ideja, ale nie dapamoža. Padobny zakon pracuje tolki ŭ tych vypadkach, kali na heta zhodnaje hramadstva».
Pavieł Sieviaryniec: «Nie vyklučaju takoha»
«Takija harantyja treba abmiarkoŭvać štabam adzinaha kandydata, pierš čym padavać. Moža havorka vieścisia i pra harantyi, kali budzie mirnaja pieradača ŭłady, ja nie vyklučaju takoha».
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary