Jermałovič: Minsk nie viadzie pieramovaŭ z Maskvoj pa kredycie $600 miljonaŭ
Pra heta siońnia žurnalistam paviedamiŭ ministr finansaŭ Biełarusi Maksim Jermałovič, pieradaje BiełTA.
«My nie razhladajem u jakaści krynicy finansavańnia kredyt urada Rasijskaj Fiederacyi i, ułasna, nie viadziem pieramovy z nahody hetaha kredytu», — skazaŭ Maksim Jermałovič.
«Zapytaŭ my rasijskamu boku nie pradastaŭlali. Na atrymańnie rasijskaha kredytu nie raźličvajem», — dadaŭ jon.
Zakranajučy krynicy finansavańnia, Maksim Jermałovič padkreśliŭ, što Biełaruś imi zabiaśpiečana ŭ hetym hodzie, jość dakładnaje razumieńnie pa hetych krynicach na 2020 hod. «Nieabchodnaści ŭ niejkich palityčnych kredytach absalutna niama», - zajaviŭ ministr.
Jak zajaviŭ 19 kastryčnika pieršy vice-premjer, ministr finansaŭ RF Anton Siłuanaŭ, rašeńnie ab pradastaŭleńni Biełarusi kredytu na $ 600 młn pakul nie pryniata i zaležyć ad prasoŭvańnia Maskvy i Minska ŭ pytańni dalejšaj intehracyi.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna5
Kamientary