Rasijskaje pasolstva ŭ Minsku pakinuŭ syn Franca Klinceviča, na čarzie raźviedčyki
Jak paćvierdzili «Našaj Nivie» abaznanyja krynicy, Minsk pakinuŭ syn Franca Klinceviča Andrej, jaki pracavaŭ pieršym sakratarom pasolstva Rasii ŭ Minsku.
Čytajcie: Syn Franca Klinceviča, uznaharodžany za anieksiju Kryma, uspłyŭ pamočnikam Babiča ŭ Biełarusi
Andrej Klincevič maje vielmi ćmianuju bijahrafiju, u jakoj znajšłosia miesca i padziacy ad Pucina za apieracyju pa anieksii Kryma. Da pryjezdu ŭ Minsk jon kuryravaŭ hetak zvanyja vajenna-patryjatyčnyja kłuby «Adzinaj Rasii».
U Minsku jon pratrymaŭsia mienš za hod, pryjechaŭ razam z Babičam.
Jak viadoma «Našaj Nivie», na čarzie na vyjezd ź Minska pravalny rasijski ahient Kirył Kalučkin, jaki ciapier zajmaje pasadu vajenna-pavietranaha ataše pasolstva ŭ Minsku.
Kalučkin taksama pryjechaŭ u Minsk razam ŭ Babičam, a pierad tym jaho vysłali z Ukrainy, złaviŭšy na špijanažy. Videa zatrymańnia apublikavana ŭ internecie.
Nahadajem, raniej ź Biełarusi vyjechaŭ rasijski ataše pa pytańniach abarony Raman Śpirydonaŭ.
Čytajcie taksama: «Prafiesijnych raźviedčykaŭ u majoj kamandzie niama». Novy pasoł Rasii pačynaje vučyć biełaruskuju movu
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary