Ataše Rasii pa pytańniach abarony, hieroj Rasii Raman Śpirydonaŭ bolš nie pracuje ŭ pasolstvie ŭ Minsku.
Infarmacyja pra heta źjaviłasia ŭ telehram-kanale žurnalista «Našaj Nivy» Arcioma Harbaceviča.
U pasolstvie Rasii paćviardžajuć, što Śpirydonaŭ bolš nie pracuje, aficyjnaja pryčyna — «skančeńnie kamandziroŭki». Kali budzie pierajemnik i pa jakoj pryčynie jon nie pryznačajecca, u pasolstvie nie tłumačać.
Krynicy «NN» śćviardžajuć, što sprava źviazanaja z padazreńniami ŭ špijanažy.
Biełaruski MZS situacyju pakul nie kamientuje.
Raman Śpirydonaŭ naradziŭsia ŭ 1973 u Ałmaty ŭ siamji vajskoŭca. Udzielničaŭ u vajnie ŭ Čačni. U 1995 hodzie padčas adnoj z apieracyj trapiŭ u zasadu. Kamandzir roty byŭ paranieny, tamu Śpirydonaŭ uziaŭ kiraŭnictva ŭ svaje ruki i prarvaŭ akružeńnie. Za heta atrymaŭ zvańnie hieroja Rasii.
Pierad tym, jak trapić u Minsk, pracavaŭ u Francyi. Francuzskaja presa źviazvała jahonaje imia sa skandałami vakoł Maryn Lo Pen, jakaja, jak vyjaviłasia, atrymlivała finansavuju padtrymku ad rasijskich struktur.
U Biełaruś Śpirydonaŭ pryjechaŭ z kamandaj adyjoznaha pasła Michaiła Babiča.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1414
Kamientary