Kiraŭnik Słonima padaŭ u sud na błohiera Niechtu — patrabuje 50 tysiač rubloŭ za paklop
Staršynia Słonimskaha rajvykankama Hienadź Chomič padaŭ u sud na Ściapana Puciłu, stvaralnika telehram-kanała Niechta.
U žniŭni 2019 hoda Puciła napisaŭ dopis, u jakim śćviardžaŭ, što Chomiča niadaŭna złavili pjanym za styrnom.
Spravu, maŭlaŭ, udałosia zamiać, ale nieŭzabavie pjanaj złavili jašče i žonku mera Słonima. «Damovicca ŭ hety raz nie atrymałasia», — padsumoŭvaŭ Ściapan Puciła.
Naprykancy dopisa byŭ i namiok na karupcyjnuju dziejnaść mera Słonima: maŭlaŭ, jamu ŭdałosia adspravazdačycca tolki za 26% biudžetnych srodkaŭ, vydzielenych na Dzień biełaruskaha piśmienstva.
Hienadź Chomič u sudovaj zajavie pierakonvaje, što ŭsie pieraličanyja pretenzii — chłuśnia. Jon patrabuje z Puciły 50 tysiač rubloŭ maralnaj kampiensacyi, jakija abiacaje achviaravać infiekcyjnamu adździaleńniu Słonimskaj centralnaj balnicy.
Puciła nastojvaje: Chomiča realna zatrymlivali ź niejkaj kolkaściu pramile ŭ kryvi, što paćviardžajecca niejkimi dakumientami. «Aryhinały choć i kanfiskavanyja miascovymi načalnikami pa zahadzie rajonnaha carka, ale zdymki ž zastalisia. Nie publikujucca jany tolki tamu, što krynicy treba bierahčy», — piša jon u novym dopisie.
Ciapier čytajuć
Ułady Hrodna paviedamili pra vychad z ładu liŭnioŭki pad udaram stychii1
Kamientary