Кіраўнік Слоніма падаў у суд на блогера Нехту — патрабуе 50 тысяч рублёў за паклёп
Старшыня Слонімскага райвыканкама Генадзь Хоміч падаў у суд на Сцяпана Пуцілу, стваральніка тэлеграм-канала Нехта.
У жніўні 2019 года Пуціла напісаў допіс, у якім сцвярджаў, што Хоміча нядаўна злавілі п’яным за стырном.
Справу, маўляў, удалося замяць, але неўзабаве п’янай злавілі яшчэ і жонку мэра Слоніма. «Дамовіцца ў гэты раз не атрымалася», — падсумоўваў Сцяпан Пуціла.
Напрыканцы допіса быў і намёк на карупцыйную дзейнасць мэра Слоніма: маўляў, яму ўдалося адсправаздачыцца толькі за 26% бюджэтных сродкаў, выдзеленых на Дзень беларускага пісьменства.
Генадзь Хоміч у судовай заяве пераконвае, што ўсе пералічаныя прэтэнзіі — хлусня. Ён патрабуе з Пуцілы 50 тысяч рублёў маральнай кампенсацыі, якія абяцае ахвяраваць інфекцыйнаму аддзяленню Слонімскай цэнтральнай бальніцы.
Пуціла настойвае: Хоміча рэальна затрымлівалі з нейкай колькасцю праміле ў крыві, што пацвярджаецца нейкімі дакументамі. «Арыгіналы хоць і канфіскаваныя мясцовымі начальнікамі па загадзе раённага царка, але здымкі ж засталіся. Не публікуюцца яны толькі таму, што крыніцы трэба берагчы», — піша ён у новым допісе.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары